مولد السيد البدوى وقرص مشبك 25 يناير - تسمم المعده وتسمم الوطن
** مولد السيد البدوى **
- لما كنت فى المولد
كنت ( كعادتى ) براقب الاشياء وبراقب الناس
وبصيت حواليا وانا ماشى وشوفت البياعين
معرفش ليه فكرونى بنكسة 25 يناير !
دايما فى المولد البياعين بيفرشوا مشبك و حلاوه
وانت بتبقى عارف انها معموله تحت بير السلم
ومع ذلك .. بتتغر بقرص المشبك وهو ملفوف بسوليفان شفاف بيلمع
وتشتريه
وتيجى تفتحه .. تلاقه مليان نمل من جواه .. او معفن
فى 25 يناير ... للاسف كتير من المغيبين كانوا عندهم شك انها جايه من مصنع فاسد
مصنع تحت بير السلم
ومع ذلك .. اتغروا فى السوليفان الشفاف اللى بيلمع من برا
اتغروا بالمليارات اللى هاتجرى فى ايديهم .. والحريه بقى
ولما فتحوا السوليفان .. وحرقوا الاقسام وفتحوا السجون
اكتشفوا ان قرص المشبك مسموم .. قرص المشبك مخلوط عليه سم
------------------------------------
** لكن يبقى الفارق الوحيد بين قرص المشبك فى المولد وقرص 25 يناير
ان قرص المشبك هاتستعوض ربنا فى الخمسه جنيه وترميه
ولو اكلته .. هايوجعلك بطنك انت لوحدك
انما قرص 25 يناير للاسف .. انت أكلته وبتعانى من التسمم بتاعه
اكلته وانت بتعانى ومش قادر تتخلص من السم
وياريت انت بس اللى عانيت..انت وجعت بطون ناس كتير اوى مالهومش ذنب
السم جرى فى عروقك .. ومع ذلك مسكت وتمسكت بقرص المشبك !
لحد ما أدمنته .. ولما فوقت من ادمانك
لقيت ان فى حاجات كتير ماتنفعش تتعوض
---------------------------------------
#مصر_كانت_مولد_ومشبكها_مسموم_فى_25يناير
تحياتى
E.E
Eslam Elbahrawy