بالصور اعلان منتج تودو - سلوجان غريب - ابو عين واحده - يلا نعوض اللى فات - جاهزين للعمليه التانيه - وعلاقته بمنتج فريسكا والقرود الناطقه
** اعلان تودو .. و سلوجان غريب **
ابو عين واحده .. يلا نعوض اللى فات .. جاهزين للعمليه التانيه !!!
والمفاجأه فى اخر البوست
=================
اولا سلوجان الاعلان هى الكلمات اللى بتبقى فى خلفية الاعلان
الكلمه او الشعار اللى بيميز الاعلان
===============
كنت بتفرج على اخر اعلان للكيك اللى اسمه تودو
واستغربت جدا من فكرة الاعلان اللى كلها تدمير وقنابل وسرقه !
======================
وجود الاعلان فى مكان يشبه الميناء
بيتم سرقته من خلال التفجير والقنابل الموقوته
وبينتهى الاعلان و سلوجان الاعلان بيقول :
تودو بومب .. غرقانه شيكولاته وهاتنفجر بالكريمه
==============
نفس المصطلحات والايحاءات اللى كانت بتستخدمها فودافون و سفن اب .. ايام احداث التفجيرات الكام سنه اللى فاتوا ...
استخدام مصطلحات التفجير و التدمير
===============
مش بس كده
لسه الجزء الغريب جاى ( الصور موجوده فى البوست )
على الصفحه الرسميه للمنتج
وجدتهم حاطين الاعلان
وكاتبين فى البوست :
العصابة جاهزة للعملية التانية, تودو بومب راجع يا رجالة..
وكمان بوست تانى ..
بيعملوا تجربه على مخلوق فضائي والبوست بيقوووول :
كان لازم نجرب خلطة براونيزعلى حد ومالقيناش أحسن من الفضائيين، بس أبو عين واحدة ده مغلبني وأعدت يومين بجري وراه ..
#يوم_ليك_ويوم_عليك #الصيد_يحب_الصبر
** الغريب ان مش متعارف عليه حتى فى افلام السينما ان الكائن الفضائى بعين واحده .. !!!
** إيحاءات البوستات على صفحة الفيس غريبه
والرسوم والكلمات أغرب
خاصة البوست الموجود يوم 11 اكتوبر مرسوم طياره هليكوبتر
ومكتوب :
نفذنا كلام تودو براونيز بالحرف وخلينا السما تمطر براونيز، أكسر بس يمين شوية يا براونيز في واحد مفجوع بياخدهم كلهم.
#تودو_براونيز #في_كل_شارع_وفي_كل_حتة
=====================
الامر مش مريحنى
واحنا اتعلمنا ان الاعلانات بتكون موجهه اوقات كتير للاشاره لعمليات معينه
وكمان بتكون موجهه للسيطره على عقل المشاهد لاقناعه بشيء معين
زى اعلانات جهينه ميكس اللى كانت بتجيب الجماهير بتقتحم الملعب بالشماريخ عشان تسرق علبة اللبن .. وكان اساس الاعلان هو وجود الشماريخ واقتحام الجماهير للملعب .. و دا سيطر على عقول الشباب والمراهقين !
=============================
لالالا لسه البوست مانتهاش
فاكرين من كام يوم لما نشرنا رمزية استخدام القرود الناطقه فى الاعلانات والمسلسلات والافلام لخدمة الاهداف المشبوهه .. وفاكرين لما اعطينا مثال بإعلان فريسكا اللى انتشر وقت حكم مرسى اللى كان كله قرود ناطقه
مم الشركه المصنعه لمنتج تودو .. هى شركة إديتا
ومن ضمن ما تقوم الشركه بصناعته :
منتج فريـــــــــــــــسكا
مش بس كده
شركة ايديتا كانت واحده من الشركات اللى تم مداهمة مصانعها لوجود مخزون للسكر تم الشك فى انه غير قانونى .. وكانت الشركه الاسبوع الماضى اعلنت وقف خطوط انتاجها بعد المداهمه دى ..
E.E
Eslam Elbahrawy
