عمرو اديب وتعامله مع ازمة السكر بمبدأ رياض المنفلوطى - اثبت ان انا مش انا
** إثبت بقى ! **
- مازال بيعتمد البعض على اعتقاده الشخصي اننا كلنا كمصريين عندنا ذاكرة السمك
ومش عاوزين يقتنعوا ان والله فى ناس بتسجل الكلام و تحفظه !
- فى عز أزمة السكر فى اول ايامها ..
عمرو اديب طلع فى الحلقه
و راح مصدر الحنجره
وقالك حرااااااام
حتى كوباية الشاي اللى المواطن الغلبان هانقوله بلاش تشربها بسكر
ايه؟ حتى السكر هانقوله ماتشربش سكر كتير عشان صحتك؟
- ثم فجأه .. بعد 48 ساعه
يخرج نفس العمرو اديب
وبنفس الحنجره
ويقول:
المواطن المصرى دا عجيب والله
طب انت ازاى بتشرب الشاى بخمس معالق سكر؟ ليه ..؟
انا مش فاهم ليه كده يعنى !
--------------------------
وكأن العمرو اديب الاول
يختلف عن العمرو اديب التانى
بيلعب بعقول الغلابه من المشاهدين
شويه يسخن .. شويه يهدى
بمجرد ما شوفت الحلقه اللى بيقول فيها ليه تشربوا الشاى بخمس معالق سكر
افتكرت فيلم اللى بالى بالك
محمد سعد فى ثانيه يبقى اللمبى العبيط
وفجأه .. يقوم مئبط الشفتين .. ويبقى رياض باشا المنفلوطي
النقيض والضد فى ثانيه !
والاخر ...
إثبت بقى يا ادهم ان انا مش انا
بس المشكله ان فى الفيلم ماكانش فى حاجه تثبت
انما فى حالة العمرو اديب
فى ارشيف وفيديوهات وناس بتسجل وتحفظ وتربط الحلقات ببعضها لو من سنين
E.E
Eslam Elbahrawy