بالصور - مجلة الجيش المصرى - قطعه من التاريخ عمرها اكثر من 60 عام وقعت بين يدي
مجلــــة الجيــــــــش المصـــــــــــــــــرى !
===========
اللى قدام حضراتكم دا تاريخ .. نقدر نقول عليه كنز كبير
لانه بيوضح اد ايه طول عمرنا بلد مثقفه وواعيه
وبيوضح اد ايه طول عمرنا بلد مستهدفه
وكمان بيحكى ماضي وكأنه بيتكلم عن الحاضر !
=============
اثناء دخولى على موقع مكتبة الاسكندريه عشان احمل بعد الكتب القيمه الموجوده
وجدت قصادى مجله اسمها ( مجلة الجيش المصرى )
قررت اتصفحها وفوجئت بمحتواها اللى ادهشنى بدرجه كبيره
============
المجله كانت تصدر عن الجيش المصرى
بتصدر مرتين فى الشهر
العدد اللى قصاد حضراتكم دا ..العدد الخامس عام 1939 :)
==============
محتويات المجله
المجله عباره عن 163 صفحه انا حاولت اختصرها لحضراتكم
هاتكتشفوا ان المجله شامله
يعنى مقالات بيكتبها ضباط
محاضرات القاها ضباط فى الصليب الاحمر والمجله بتنقلها كامله
شرح للجغرافيا ولحدود مصر بيكتبها مأمور قسم الضبعه بمطروح
شرح للاسلحه وانواعها
شرح للجيوش العربيه والاسلاميه
ضباط بتحلل الحروب اللى حصلت والسلبيات والايجابيات
وكمان بيستقبلوا خطابات من القراء من الشعب
وبينشروا مقالات الجمهور فى المجله
بجد كنت اتمنى تكون موجوده حاليا
هاتكتشفوا ان الضباط لديهم ثقافه عاليه جدا جدا
الكلام المكتوب واستخدام المصطلحات الانجليزيه الخاصه بالاسلحه والحروب
وشرح المعارك وشرح ازاى مصر مستهدفه
والاكثر من كده ... تبصوا ان نفس الصراعات فى نفس الاماكن اللى حصلت من 80 سنه واكتر هى هى نفس اللى بتحصل حاليا..هتلاقوا مثلا مقال بيتكلم عن اهمية قناة السويس وتأمين حدود مصر الشرقيه لان العين عليها !!
==================
بجد حاجه جميله
وفرحت ان الصدفه وضعت قصادى تاريخ جميل زى دا
لان الاتهام دايما كان للجيش المصرى انه اوامر وتعليمات بس
مفيش مثقفين او مفكرين
لكن بعد ما قرأت العدد دا اكتشفت ان الجيش دا قوى جدا
مش بس بالسلاح او بالعقيده بس انما كمان له قوه فكريه كبيره :)
E.E
Eslam Elbahrawy