الدكتور وسيم السيسي - وحقيقة سرقة كتب الفراعنه التى تحوى كل اسرار التقدم الذى نعيشه الان
النظريه .. والاثبات .. وكلاهما فى خبر كان !
========
الدكتور وسيم السيسي العالم المحترم
ولمن لا يعلم من هو وسيم السيسي تقدروا تبحثوا عنه
راجل بيحب مصر بجد
وعارف يعنى ايه تاريخ مصر
تقعد تسمعه تحس ان التاريخ تجسد فى شخص وبدأ يحكى عن نفسه
=========
فى احد حلقاته من فتره قريبه
كان مع المحترم الخلوق الاستاذ ابراهيم حجازى
وبعدين الاستاذ ابراهيم حجازى كان اول من استضاف ناس تتكلم عن الماسونيه
وكان اكثرهم فى حضور الحلقات كانت الدكتور مايا صبحى
وكانت فى احد الحلقات ذكرت جزئية ان كل ما يشهده العالم من تطور اليوم
ما هو الا نتاج للاسرار التى تم سرقتها من مصر من مقابر الفراعنه
( وانا احد المقتنعين وبشده بتلك النظريه )
** المهم الاستاذ ابراهيم وجه سؤال للدكتور وسيم السيسي وقاله :
هو فعلا فى حاجه اتسرقت ولا الفراعنه لسه مخبيين حاجات؟
فكان رد الدكتور وسيم مقلق ومطمئن فى نفس الوقت لانه قال:
الفراعنه ماكانوش بيخبوا شىء !
للوهله الاولى تظن ان الجمله مش مفهومه
وهذا ما اعتقده الاستاذ ابراهيم حجازى فكرر السؤال مره اخرى
هو فعلا فى حاجه اتسرقت ولا لسه فى حاجات الفراعنه مخبيينها فى الاهرامات وفى المعابد ولم تكتشف بعد ؟
فأجاب الدكتور وسيم السيسي نفس الاجابه وقاله
الفراعنه ماكانوش بيخبوا شىء
اكيد فى ( بعض حاجات ) اتسرقت ... لكن الاكيد ان الباقى لسه محفوووووووظ !!!
ولو كان فى شىء مستخبى يبقى القليل
ولكن احنا تم تدمير كل تراثنا عن عمد احيانا وعن جهل احيانا اخرى
وذكر الدكتور وسيم السيسي واقعة تدمير واجهة الاهرامات
اللى كانت مكتوب عليها كل تاريخ بناء الاهرامات واللى منها كنا نقدر نعرف سر البناء وسر هذا العصر .. لكن تم تدميرها من خلال الخلفيه الايوبى .. لبناء سور قلعة صلاح الدين !
** كمان ذكر واقعة العالم الفرنسى اللى وجد برديه مشهوره جدا
مع سيده مصريه غلبانه شايله فوق راسها وعاء او شىء
ولما لفت نظره ان البرديه ظاهره مع ست غلبانه
فسألها العالم الفرنسى رايحه بيها فين ؟
فقالتله بنستخدم ( الحاجات دى ) عشان نولع بيها نار الفرن
وهنا تساءل الدكتور وسيم السيسي وقال
قدرنا ننقذ برديه
يا ترى كام الف برديه تم حرقها بواسطة الجهل لاشعال نار الفرن !!
====================
الاسرار موجوده
سرقتها مثبته
لكن الاكيد كمان ان الجزء الاكبر من الاسرار مازال محفوظ بين يدي العالمين ببواطن الامور :)
E.E
Eslam Elbahrawy