خطة صناعة الاوهام - بين نوكيا وسامسونج والابراشي وولاد الحرام
يا ولاد الحرام !
بين نوكيا وسامسونج والابراشي…
=======
ازاي تصنع كدبه .. يصدقها الجميع
الاول هاترمي الاشاعه
وبعدين تجيب مؤيد لها .. ومعارض لها
وبعدين تخلي الاتنين يتخانقوا علي حقيقة ( الاشاعه )
و تقسم الشريحه محل الاختبار ( المجتمع ) لنصين
نص مؤيد للاشاعه
ونص معارض للاشاعه
و تمشي بمبدأ نفي النفي اثبات
يعني لما تطلع تكدب اشاعه .. يبقي الاشاعه في حد ذاتها حقيقه
والا ماكنتش هاترد عليها
=====
مثال من الخيال للتوضيح :
موبايلات نوكيا 3310 الكاميرا بتاعتها لما بتتصور بيها.. بتتجسس عليك
المعارض هايطلع يقولك ماحصلش حتي اتصورت بيها اهو ومفيش تجسس
والمؤيد هايقولك فعلا في تجسس وبياناتنا كلها متخزنه عن طريق الكاميرا
وينقسم الزبون اللي بيشتري بين مقتنع بالفكره وبين معارض لها
ويتناسي كلاهما ان اصلا موبايلات نوكيا 3310 مافيهاش كاميرا ولا كشاف حتي
وان ترويج الاشاعه مصدره شركة سامسونج لضرب مبيعات نوكيا
=====
مثال واقعي للتوضيح
ما يحدث الان علي قناة دريم مع الابراشي
واحد طالع معارض لخصخصة شركات الغاز الطبيعي
وواحد طالع بيدافع ويقول مفيش خصخصه
والاخر من خلال الاتصالات في البرنامج اتضح ان الجمهور اللي بيمثل الشعب انقسم
بين مؤيد لخصخصة الغاز و آخر معارض لخصخصته
وتناسي الجميع ان في الاصل والاساااااااس مفيس قانون صدر اصلا لخصخصة الغاز
ولا في اصلا شركات غاز هاتتباع
وتم خلق الكدبه والعمل عليها حتي اصبحت حقيقه
و كله يصب في كفة المنتفعين من فكرة ان النظام بيبيع البلد !!!
والسلام ختام
E.E
ESLAM ELBAHRAWY