لغز احمد شاهين - ومقبرة ابيس - والكائنات الفضائيه - والهرم الاكبر
احمد شاهين .. والكائنات الفضائيه .. والاكتشافات الاثريه مؤخراً .. والطبق الطائر داخل الهرم الاكبر
============
نشرت بالامس على جزئين متتاليين
اولا موضوع اكتشاف 24 تابوت اسود من الجرانيت بسقاره
ثانيا اهمية رمز ( العجل ) أبيس لدى الماسون كرمز لهم
من فاته تلك المنشورات يستطيع العوده لمنشورات الامس لمتابعتها
حتى يتم ربطها بالمنشور الحالى
==========
من يومين خرج علينا احمد شاهين
نوستراداموس العرب
الراجل اللى بيتوقع موت الفنانين والسياسيين وبيتوقع كمان احنا طابخين ايه النهارده
والغريب انه بيتوقع لمصر بس .. مابيتوقعش مثلا لاسرائيل او امريكا
===========
من سنتين خرج علينا ناس كتير
بتقول ان الفضائيين بنوا الاهرامات
وان الاديان السماويه دى اصلا من صنع الفضائيين
وشوفنا واحد زى سامح ابو عرايس بيقول انه هايعمل الحج بتاعه فى الاهرامات
وان الحج بتاع السعوديه دا مش صحيح !
وخرج علينا فى نفس الوقت الاخ احمد شاهين
وقالك انا بقابل فضائيين فى مصر
و أكدولى انهم نزلوا مصر لمحاربة الاخوان !
===========
فى 30 نوفمبر 2014 بالتحديد
نشرت المنشور دا وسألت احمد شاهين اسئله لم يستطع الرد عليها
تقدروا تتابعوا المنشور من الرابط التالى :
http://eslamelbahrawy.blogspot.com.eg/2014/12/blog-post.html
=============
ثم من يومين
ولانه راجل خبير توقعات بقى
قالوله فى اول السنه متوقع ايه لمصر
قالهم هايكتشفوا مركبه فضائيه فى الهرم الاكبر
وانا قلت لحضراتكم امبارح اثناء نشر موضوع التوابيت
انى هافضح بيها دجال !
الفكره حضرتك ان الدجال دايما بيعتمد على جمع المعلومات اللى صعب انت تعرفها
وبالتالى تصبح المعلومه جديده عليك
وبالتالى بتصدق كلامه
مثلااااااااا
لما انا ابقى دجال
وليا قريب شغال فى وزارة البترول
وقريبي يقولى ان فى كشف كبير لقيناه للغاز ويقولى ماتعرفش حد
اروح انا كاتب قريبا ..اتوقع ببلورتى السحريه ان مصر هاتكتشف مكان فيه غاز
طبعا مش كلكم ليكم قرايب فى وزارة البترول وبالتالى معلومتى جديده علكيم
ولما يحصل ويتم الكشف ويتم الاعلان تقولوا يابن الايه دا فعلا بيتنبأ!!!
==============
موضوع التوابيت ال 24
للاسف احنا شعب حتى القراءه مابقاش يحبها
وبالتالى محدش فينا بيتابع مواقع عالميه تتحدث بالانجليزيه والفرنسيه
وللاسف جوا مصر .. فى تعتيم على الموضوع دا
معرفش هل دا مقصود
ولا فشل ذررريع واصلا الاكتشافات دى بتتم بدون اى رقابه مصريه !
اللى حصل ان احمد شاهين شاف الخبر فى مواقع امريكيه
ومفكر ان كل الناس مابتقراش ... بس لسوء الحظ الحمد لله لسه بحب اقرأ واتابع
وعرف ان فى كشف ل 24 تابوت جرانيت وعلماء الاثار الماسوووون
بيروجوا ان تقنيات تقطيع التوابيت دى عاليه اذن اللى صنعها الفضائيين
فخرج احمد شاهين يقولك اتوقع اكتشاف طبق طائر فى الهرم الاكبر هذا العام
بحيث لما خبر التوابيت يتعرف كمان كام يوم
يقولك شوفتوا دى بداية الموضوع ...اكتشفوا توابيت للفضائيين
والناس تهلل وتقوله الله ينور بصيرتك يا عالم يا كبير :D
=============
عامة الخبر موجود
ادخلوا جوجل وابحثوا تحت عنوان
Mystery of 24 alien black-boxes discovered near Egypt’s Pyramids of Giza
=============
ابقوا وصلوا الكلام دا لاحمد شاهين
وكالعاااده اتمنى انه يرد على كلامى
وعاوز اقوله لو كنت بتستغل جهل البعض وكسل البعض الاخر
خلى بالك لان لسه فى ناس بتفكر !
E.E
Eslam Elbahrawy