امانى الخياط وترشح السيسي لمجلس ادارة العالم - جهل بالمصطلحات - واهانه للرئيس - وفتح باب للسخريه من المؤامره
الاعلاميه امانى الخياط
و السيسي ومجلس قيادة العالم
ولا حول ولا قوة الا بالله
============
- بين الانكار والتصديق
بيقع فى النص ناس بين الاتنين وبتختلط عليهم الامور
ومن ثم بيختلط عليهم فهمها وفهم مصطلحاتها
فتؤدى للسخريه احيانا والاستنكار احيان اخرى
=========
- من فترات ( طويله ) والجميع ممن يهتمون بالماسونيه ومخططاتها فى العالم كله يتحدثون عن منظمات ماسونيه تضم اكبر المتحكمين فى اقتصاد وسياسة العالم من غذاء و اسلحه و ادويه ومن خلال اجتماعهم يرسمون الخريطه التى تؤدى الى تركيع العالم لنفوذهم من خلال استغلال ثرواتهم التى يتحكمون بها فى كل موارد الحياه
============
منظمات كثيره مثل بيلدربرغ وغيرها
تكتشف فيها ان رؤساء دول كبرى اعضاء فيها
من يملكون قنوات الاخبار فى العالم اعضاء فيها
من يملكون صناعة الدواء فى العالم اعضاء فيها
وبناء عليه يخططون لكل شىء
بل وصل الامر الى ان بعض الباحثين اكدوا
انهم فى تلك الاجتماعات يحددوا لكل دوله الكوارث التى ستحدث فيها
فمثلا من يملك صناعة الدواء .. يبتكرون له فيروس جديد ينتشر فى العالم
او بمعنى اصح فى الدول المعاديه لهم .. وبالتالى يكون هو صاحب الدواء الوحيد لهذا الفيروس فيكسب المليارات .. وهكذا !
==========
عندما تكلم تامر امين منذ فتره عن هذا الموضوع
للاسف لم يكن يملك الارضيه الكافيه والمصطلحات الكافيه لاستخدامها
هو كان شاف ناس معينه بتتكلم عن الفكره فى احد البرامج
فخرج تامر امين ساخرا وقاد حملة التشويه فى هذا الوقت !
===========
وبالامس
تذكر الاعلاميه نفس الكلمات وايضا دون ادراك للمصطلحات
ودون امتلاك معلومات كافيه للتحدث
فكانت تقصد شىء معين .. ولكن نطقته بشىء مختلف
الاعلاميه امانى الخياط فى برنامجها قالت
ان السيسي مرشح وبقوه للانضمام لمجلس ادارة العالم !!
طبعا حتى ولو كانت هى بدون قصد ذكرت المصطلح دا
فطبيعى ان اللى مشغلين شياطينهم لحماية الماسونيه
اول ما يلاقوا حد بيتكلم ..لازم يستخدموا الاسلوب المتبع لقتل الشخص دا
و زى ما اتفقنا ..القتل مش بالدم
انما بيتبعوا الاسلوب اللى اتبعوه مع عكاشه ( تتفق او تختلف معه )
ونفس الاسلوب اللى من اجله اتعمل برنامج باسم يوسف .. للسخريه من المؤامره عشان نستخف بيها ومانصدقهاش..والسخريه من الجيش والقاده السياسيين عشان نفقد الثقه فيهم
وفى تصريح بعدها بساعات
قالت امانى الخياط انها كانت تعنى ما تقصده
وقالت ان السيسي مرشح للانضمام للقاده الكبار فى العالم لوضع الخطط والسياسات فى تلك المرحله المهمه
وقالت ان المقصود ان مصر بقت دوله قويه سياسيا
وامريكا وروسيا بيتصارعوا
وكل دوله هاتحاول تضم مصر فى صفها ومصر هاتبقى من صانعى القرار فى الفتره القادمه
===========
انا بس عاوز اقول للاستاذه امانى
ابوس ايدك و ايد كل اعلامى
اشرحوا افكاركم بشكل مفصل بعيد عن استخدام مصطلحات زى دى
لان حضرتك مصطلح وتعبير زى اللى قولتيه دا له اضرار
الضرر الاول
هو ان مجلس ادارة العالم ( بالنسبه للمؤمنين بنظرية المؤامره ) لا يضم سوى الماسون المتحدين مع الدجال .. وبالتالى ذكر اسم الرئيس بجانب مصطلح زى دا شبهه و تشويه !
والضرر الثانى
موجة السخريه اللى بتخرج تعليقا على كلامكم
واحنا مش محتاجين السخريه دى حاليا
لاننا فى فتره الناس بتفوق واصبح عدد كبير مهتم انه يقرا ويسمع ويشوف عن المؤامره والناس بتفوق من الغيبوبه فمش محتاجين موجة سخريه تهبط عزيمتهم
E.E
Eslam Elbahrawy
