عندما يرفض العقل ويتحدث المنطق - هل فعلا الجيش السورى هو من قتل السوريين بالاسلحه الكيماويه فى بلدة خان شيخون ؟ لنحسبها بالمنطق
مخي رافض .. عقلي رافض
======
** طب اعقلها ازاي .. وهي كل مجرياتها عكس الاحداث
ولا تصدر الا من غبي او ساذخ
و بشار الاسد مش غبي او ساذج !!
*** هو ازاي وليه .. كل ما الجيش السوري يحقق تقدم علي الارض
يحصل حوار يقلب الدنيا عليه
والغريبه ان بيكون بشار في غني عن الحوار دا
** اذكر مره لما بشار تقدم في حلب
و بعد ما كان سيطر عليها
برضو اتعملت مجازر و اتقصفت قوافل مساعدات
و هوب عملوا هاشتاج حلب تحترق
والقمصان الاحمر في اسود الكاروهات
ووقتها سألنا نفس السؤال .. ايه يخلي بشار يعمل كده واصلا الجيش سيطر علي حلب ؟
*** الاطفال
كلما تقدم الجيش السوري واحرز تفوق
يتم استخدام كارت الاطفال لان هما عارفين ان العرب بتوع عاطفه
ماهودا كان اساس اصلا قيام نكسات الربيع العبري
بالفيديوهات المفبركه اللي لعبت علي وتر العاطفه
لذلك .. لما احرز الجيش السوري تقدم .. شوفنا قصة الطفل الغريق ايلان
ولما احرز الجيش السوري تقدم
شوفنا قصة الطفل عمران واللي بعدها طلع طفل دوبلير ظهر في خمسين الف مكان اخر وتم تصويره بأشكال مختلفه
=====
السؤال بالعقل والمنطق
بشار ونظامه .. بيقاوموا بقالهم اكتر من 6 سنين
مغضوب عليهم من امريكا و متحاصرين اقتصاديا وتم استنزاف قوتهم
بيحاولوا يكسبوا الشرعيه الدوليه
بيحاولوا يكسبوا دول في صفهم عشان تحارب معاهم الارهاب في سوريا
وبعد كل دااااااا
لما الجيش السوري يسيطر علي حلب
وانتصاراته تتوالي و يطرد داعش من مناطق كتير
و كتيرررر بدأوا يقتنعوا ان اللي في سوريا ارهاب مش ثوره
زي ما شوفنا يوسف الحسيني لما راح هناك وغيره
اديني بقي مبرر واااااحد يخلي بشار يصحي من النوم فجأه ويقرر يضرب الناس بالكيماوي وسبحان الله .. الغاز الكيماوي اللي بيشمه كل الناس .. يقتل 100 شخص منهم 80 اطفال !!
الله؟! .. هو الغاز انضرب في مدرسه ولا ايه؟؟؟
======
السؤال التاني
في الاشهر القريبه الماضيه
في مناطق تسيطر عليها داعش سيطره كااامله داخل سوريا
وبدون غارات من النطام او روسيا
سمعنا عن قتلي ماتوا بالكيماوي
ياتري وقتها كان مين بيضرب الناس بالكيماوي في المناطق اللي بيسيطر عليها داااعش؟؟
======
خلي بالك
انا مش بتكلم الا عن الفاعل
لان دم كل طفل في سوريا حرام .. وايا كان الفاعل فهو يستحق الحرق
لكن بفكر بالمنطق
و بالتاريخ ابلي شوفناه
====
في العراق
اللي كان معطل عمليات طرد داعش موخرا
كان استخدام الدواعش للمواطنين كدروع بشريه !!
======
وبعدين بصراحه
انا اي حاجه .. اي حاااااجه الاخوان وقطر وبريطانيا يقولوا عليها صح
او يثوروا بسببها ويقودوا حمله
لازم بشك فيها و ببدأ اراجعها .وبتكون غير موثوق فيها بالنسبالي
وبالتالي ..
لما اشوف الجزيره والعربيه مفيش وراهم 24 ساعه الا صور وفيديوهات و اثباااات ان غارات الجيش السوري هي الفاعل
علي الرغم ان مفيش حد حتي الان اثبت حاجه
ومن ناحيه تانيه تلاقي بريطانيا واخده نفس السكه
والاخوان بصفحاتهم ومواقعهم وحساباتهم ماسكين الموضوع وبيهروا فيه
يبقي لازم تقلق
وهوووب اسرائيل ..
قال ااايه… صعبان عليها اطفال سوررريا
اسرائيل اللي بيتعالج فيها الدواعش الجرحي
الدواعش اللي اتسببوا في مقتل وتشريد وتهجير ملايين الاطفال
اسرائيل زعلانه علي اطفال سوريا
يا سلام علي الاحساس والرحمه
=====
اخيرا
نفسي تستضيفوا علماء ويقولولنا
هو لما منطقه ينضرب فيها غاز سااااام
هل طبيعي في نفس اليوم المذيعين يقفوا يصوروا عادي ؟
وشهود العيان يتكلموا عادي ؟
والتصوير بجانب الجثث المتوفيه بسبب غاز ساااام منذ ساعاات فقط ..دا عادي ؟
ياريت حد يقولنا
E.E
ESLAM ELBAHRAWYV
