بالصور - اعلان لبان ماربيلا والتشجيع على الثقافه الغربيه بين الشباب و الفتيات - موقف بالصدفه لفت انتباهى
اينعم كان هزار .. بس لفتوا نظري
=====
حوار تابعته مع مجموعه شباب في سن المراهقه
تواجدوا جنبي .. فتابعتهم خصوصا ان صوتهم كان عالي
لبان ماربيلا
الاعلان بيقول
و دا منكب علي الكتاب بيراجع حصة الالعاب
واخته بتنزل علي اللاب صوره لماربيلا مع ايهاب
المهم ان الولاد كانوا بيشردوا بعض
واحد بيقول للتاني انت اخرك ياض زي الواد بتاع لبان ماربيلا
تبقي قاعد و اختك بتنزل صوره مع ايهاب !!!
طبعا هما بعد القفشه دي فطسوا من الضحك
لكن انا جيبت الاعلان من عالنت
ولقيت ان الاعلان بيقول كده فعلا
و لقيت ان كلامي بيتحقق
ان الاعلانات والتلفزيون بشكل عام بيؤثر تأثير علي وعي الانسان بدون ما يحس
اعلان لبان بيتكلم عن بنت اخوها قاعد جنبها وهي بتنزل
صوره مع ( صاحبها ) !! وكأنه امر عادي و فررري
هو دا اللي كنت بكلمكم عنه
برمجه لغويه وعصبيه بشكل غير مباشر عن طريق التلفزيون
زي اعلان چهينه ميكس اللي فيه بطل جهينه الكرتون
اللي بينزل للملعب ويخطف الكوره من اللاعبين و الشرطه تجري وراه و يخليهم يخبطوا في بعض… والاعلان يبين انه بكده نجح.. ويشرب العصير
ويوم تحليل الاعلان قولنا برمجه واضحه جدا للشباب عشان يتصرف زي الالتراس.. انك بتنجح وانه شئ مضحك لما تنزل الملعب وتتعدي علي الشرطه !
كل كلمه وكل دقة. موسيقي خارجه من التلفزيونة
بتأثر فيكم وفي حياة اولادكم
E.E
ESLAM ELBAHRAWY
