بالصور - فضيحه عالميه لمصر بعد سب زاهى حواس لميسي
هذا ما جنيناه من زاهى حواس
فضيحه عالميه .. وضياع لمجهود كبير !
=====
لما اتكلمت وبتكلم عن زاهى حواس
بيظهر مدافعين .. ومبررين وحاجات كده
لكن اللى عمله زاهى حواس مع ميسي كان فعلا امر مشين
امر يبين انه راجل بيبص لنفسه وبس
ولا هو مسئول ولا هو فاهم يعنى ايه مصلحة بلد
=======
زاهى حواس خرج فى حديث على قناة صدى البلد
وطبعا هو مفكر انه بيتكلم فى تلفزيون مصرى
فاللى بيشوفه هو عم محمد بتاع فرن العيش
وعم ابراهيم البقال
ومش فاهم ان مجرد ذكر اسم نجم عالمى فى برنامج اكيد هاينتشر
لان النجم دا له محبين ومتابعين ومنظومه اعلاميه بتتابع ما يقال عنه
وبيتم ترجمته
============
انا كراجل بتاع سياحه المفروض اقول ان ميسي زى ويل سميث زى اى حد
كلهم شرفونا
لكن ويل سميث كان جاى على هوا زاهى حواس اكتر
فخرج فى المكالمه يقولك ويل سميث انبهر
لكن ميسي دا عيل اهبل كنت واقف احكيله عن الاثار وهو مش مهتم !!
============
طبعا الحج زاهى فكر نفسه بيتكلم فى قعده على القهوه
ولكن حدث ما لا يحمد عقباه
ساعات .. ساعاااات قليله
وكل صحف وقنوات العالم نقلت الخبر
تحت عنوان :
عالم اثار مصرى ينعت ميسي بالاحمق
مسئول اثار مصرى يقول على ميسي احمق
بل ان بعض الصحف ذهبت لمدى ابعد وكتبت
مسئووول سياسى مصرى يصف مصرى بالاحمق والغبى
===========
مين بقى اللى كتبوا الخبر ونقلوه
BBC اشهر القنوات فى العالم
bloomberg اشهر المواقع العالميه
The Sun صحيفة
Express sports موقع
the times of isreal طبعا مواقع اسرائيل ما صدقت
وكتيييييييييير
انا بس جمعتلكم جزء بسيط من الفضيحه دى
و دى اكبر اثبات انه شخص غير مسئول
وانه شخص بيتعامل على اساس اهواءه
مش على اساس مصلحة البلد
E.E
Eslam Elbahrawy
