بالفيديو والصور - فضيحة برنامج SNL live بالعربى فى حلقة روبى والفاظ خارجه - اين الدوله من هذه المهازل
ولانكم ركبتوا علينا الاوساخ
استحقينا اننا نشوف الاشكال الوسخه
========
لا ماهو اللى انا كاتبه مش عيب
اللى انا كاتبه دخل كل بيت فى مصر
و عامل 6 مليون مشاهده على يوتيوب
وكل دا عشان خليتوا الاوساخ يركبونا
ومشوا كلامهم علينا
ولغوا وزارة الاعلام
وفعلا لو البلد دى فيها حد بيتخاف منه
ماكناش شوفنا دا ولا اتهزأنا كده
==================
برنامج SNL بالعربى اللى بيقدمه فلول برنامج الاراجوز سافل يوسف
كنت اخدت قرار من الاول انى ماتكلمش عنه
رغم كمية الانحطاط والسفاله والوساخه اللى بتتعرض كل حلقه
ورغم كمية الايحاءات الجنسيه و التهزيق المتعمد لشخصيات سياسيه بعينها
ورغم ان اللى بيتقدم فى البرنامج دا بالنسباله اللى كان فى برنامج الاراجوز رحمه
الا انى قلت هاتجاهل جايز انا لما بتكلم بزود المشاهده ولا حاجه مثلا !!
===========
لكن انى ادخل اليوتيوب
والاقى التريند ( الاعلى مشاهده ) فى مصر
هو فيديو بعنوان : سكتش الكباريه - آه ياوسخة ياوسخة - SNL بالعربي
وبتغنيه روبى و عيل كده لابس لبس واحده ست
الاول ماصدقتش وقلت اشوف الفيديو جايز العنوان بس عشان يشد المشاهد
فوجئت بفيديو عامل 6 مليون مشاهده وكلمة وسخه دى اصلا اخف كلمه فيه
وطبعا طبعا لم يخلو الفيديو من التلقيح السياسي
ان واحده من اللى شغاله فى الكباريه تقول بصوت من اياهم
مايصحش كده !... ويضحكوا كلهم لانهم عارفين الإفيه مرمى على مين !!
=========
انتوا اللى عملتوا فينا كده
انتوا ياللى عملتوا للكلاب قيمه
انتوا ياللى جبتوا الخونه وقعدتوا معاهم بإعتبارهم فصيل سياسي
انتوا ياللى بتسموا النجاسه دى حرية شباب وانكم بتحترموها
انتوا ياللى سمحتوا بإلغاء وزارة الاعلام
انتوا ياللى سمحتوا ان بيوت مصر يتذاع فيها الكلام دا
انتوا ياللى سمحتوا ان برنامج كوميدي يحط علامة +18
انتوا يا نواب مجلس الشعب ياللى مش حاسين بالشعب ومافكرتوش تتصدوا للقرف دا
انتوا يا فنانين ياللى بتروح ضيوف على البرامج دى
انتوا يا اصحاب الفضائيات اللى عشان الاعلانات بتعملوا البرامج دى
انت يا اب يا قرطاس ياللى بتسمح لبنتك تشوف الكلام دا
وانتى يا هانم يا منحطه ياللى بتسمحى لبنتك تشوف الكلام دا
وانت ياض ياللى مركبهم .. ياللى بتقعد جنب اختك تضحكوا سوا على الكلام دا
==========
بالنسبه للاخ اللى اخلاقه لارچ وهايقولى ان البرنامج للكبار فقط
ولو مش عاجبك اقلب المحطه
هاقولك الممنوع مرغوب يا حبيبى
والشباب بيجرى ورا الغامض والممنوع
و الا ... بكره الصبح هاجيب واحد وواحده يقلعوا هدومهم تحت بلكونتك
واقولك لو مش عاجبك ماتخليش مراتك وبنتك يطلعوا من البيت !
=============
عندكم حق
ومنتظرين قريبا
الاسكتش قادم اللى بعد اسكتش يا وسخه
والله اعلم هايكون ايه .. ماهى بلد مولد .. ومالهاش صاحب !
=========
مش منتظر تفاعل مع البوست لان ناس كتير ممكن تخاف من جرأته
لكن انا بسجل لنفسى انا اعتراض على وضع
عشان فى وقت ما ... الواحد حتى يكسب احترامه لنفسه
E.E
Eslam Elbahrawy
