بالصور - بعد ظهور ارهابى مصرى مع مصطفى حسنى - لماذا يظهر صور للدعاه الجدد دائما بجانب ارهابيين
تقولون عنهم صالحين .. واقول عنهم خبثاء
وبين الكاتب والقارىء .. يفتح الله
==========
تمر الايام
وتمر الاحداث
ومن قبل ان تحدث الاحداث وتمر من الاساس
وانا مقتنع بأن كل هؤلاء مجرد طهاه يدسون السم فى العسل
منذ عمرو خالد والتى شيرتات النص كم
ثم معز مسعود والشحتفه والنحنحه
ثم مصطفى حسنى والاسلام اللذوذ الحبوب
ناس كتير منكم بتحبهم وشايفين انهم كويسين ( حقكم يا باشا )
بس انا مش بثق فى الناس دى
اى حد متخرج من مدرسة عمرو خالد مش بثق فيه
واعتقد كلكم شوفتوا صور معز مسعود مع باسم يوسف
وكتير شوفتم الاسكرين شوت للدعاه الشباب دول
مره مع الحاكم ومره عليه
مره مع الثوره ومره عليها
وكله بالحنيه يلين !
============
الصوره دى منتشره الايام دى
ودى مش اول صور تتنشر لارهابى كان على علاقه بأحد الدعاه
المره دى عيل من اللى قالوا انهم اختفوا قسريا
فجأه .. لقيناه متصور فى سوريا ومنضم لداعش
اصل فعلا الداخليه كانت خاطفاه .. وبعتته الفرع بتاعها فى دمشق !!!!!
وبعدين فجأه نكتشف ان البرنس الارهابى
كان واحد من اللى بيحضروا مع مصطفى حسنى الندوات
وبيتصوروا معاه
==========
هاتقولى مجرد صوره اى حد مشهور ممكن يتصورها؟
هاقولك طبعاااااااااااا اينعم يا فندم
لكن منا برضو مش غساله اوتوماتيك
انا بشر وليا عقل
هل يعقل ان كل مره .. اللى يتصور مع حد من الدعاه سواء النحانيح الجدد او المتشددين المتأسلفين او شيوخ الفتنه .. يتضح بعدها انه بقى ارهابى وسافر سوريا او العراق ..؟
========
دا لو مغناطيس مش هايجذب الارهابيين بالشكل دا
E.E
Eslam Elbahrawy
