بالصور - مواقع الاخوان تثير الرأى العام فى قضية سالم عبد الجليل - خطة قذره يلعبها ميليشيات اللجان الالكترونيه
بلاغ لكل من يهمه الامر ... للعقول قبل المناصب
صدقتونى ...؟
هاتصدقونى امتى طيب ..؟
فعلا هم احرص الناس على المسيحيين !!!
=========
عشان ابقى خلصت ضميرى من ربنا
ومادخلش فى مرحلة الهرى اللى شغاله
لان خطتهم نجحت بالفعل
والمسلمين والمسيحيين اللى كانوا بيعيطوا على بعض من اسبوعين فى احداث الكنيستين
من امبارح اصبح الشغل الشاغل للمسليمن يجيبوا فيديوهات القساوسه والمسيحيين المتطرفين .. والمسيحيين اصبح شغلهم الشاغل يجيبوا فيديوهات للشيوخ المتطرفين برضو !
فالخطه نجحت وكده انتوا تمام .. مبروك عليكم الوقوع فى الفخ
===========
واخدين بالكم من الصوره ؟؟
بصوا كويس
ركزوا يا اخى شويه
شايفين ايه ...؟؟
انا اقولك شايفين ايه
شايفين خبر على موقع مش كده؟
فاكرين لما كتبتلكم اكتر من مره عن قائمة المواقع الاخوانيه
زى شبكة رصد وعربى 21 وما شابه
وكان من ضمن المواقع دى .. موقع كلمتى .. الموقع الاخوانى الصريح
اللى بيعترفوا جوا اخبارهم وجوا الموقع انهم اخوان !
واخدين بالكم الهاشتاج اللى مكتوب فى العنوان؟
لاحظ ان عنوان الموضوع مالوش علاقه بالهاشتاج
دا معناه ان هما يتبنوا نشر الهاشتاج وبيحطوه فى كل اخبار الموقع
عشان ينتشر ويزيد
الهاشتاج بيقول ايه بقى؟
حاكموا سالم عبد الجليل !!!!
وصلت؟؟ لسه ماوصلتش؟
الموقع الاخوانى .. بتوع الخلافه الاسلاميه
كاتبين هاشتاج عشان يتحاكم شيخ !
مش دى الفكره...الفكره
انهم عاملين الهاشتاج لمحاكمة الشيخ عشان غلط فى المسيحيين
برضو ماوصلتش؟؟؟
يعنى ... عرفتوا ان كل شىء ممنهج
وكل شىء فى الاعلام مترتب
وكل شىء بيتعمل عشانه ضجه بيكون مقصود ؟
الاخوان اللى حرقوا كل كنايس مصر فى اقل من 48 ساعه
عاملين هاشتاج ضد شيخ زعل المسيحيين !؟
============
فهمتوا اللعبه فين
الاخوان مالهومش مله ولا مبدأ
بيدافع عن الارهاب ويقول شيوخ
وبيهاجم الشيوخ عشان خاطر المسيحيين
وبيحرق كنايس المسيحيين عشان شايفهم كفره
وبيهاجم الازهر وبيقول ان شيخ الازهر مجرد مخبر عند السيسي
شايفين الميكس وكل حاجه والعكس
الاخوان يستغلون فقط مصائبكم ويرتبون لكل البلبله
الاخوان يرتبون لكل ما يثير الرأى العام لاستغلاله
تخيل ان هاشتاج حاكموا سالم عبد الجليل
اللى المفروض يعمله مسيحيين
اللى عمله وبينشره هما الاخوان..اللى هما نفسهم ولعوا كنايس مصر !!!!!!
===============
وختاما ...
لكل اللى بيقولى انت مابتشوفش زكريا بطرس بيقول ايه
انت مابتسمعش المسيحيين اللى فكرهم متطرف بيقولوا ايه ؟؟
وانا ردى نشرته يوم تفجير كنيستى طنطا والاسكندريه
لما كان عنوان البوست
المسلم المتطرف والمسيحي المتطرف
وقلت ان اى حد ينتمى للاسلام يبيح الدم ويثير الفتنه .. فهو مرفوض
واى حد مسيحي يبيح الدم ويثير الفتنه .. فهو مرفوض
وقلت زى ما فى مسلمين زى برهامى وشيوخ الفضائيات
فى برضو مسيحيين زى زكريا بطرس وغيرهم وقناة الفادى على النايل سات
كل دول فتنه ...
والمسلم مش هايكون مبرر له انه يكون متطرف لمجرد ان فى مسيحي متطرف
والمسيحي مش مبرر له يكون متطرف لان فى مسلم متطرف
الاتنين غلط وزفت ومرفوض ولعنة الله عليهم
==============
دا كان ردى على صديقه محترمه بالامس
هى شعرت بالغيره لما الكل بيهاجم سالم عبد الجليل
وفى ناس مسيحيين متطرفين ومحدش بيتكلم عنهم ..
انا رديت .. ودى وجهة نظرى اللى هاختم بيها البوست :
مفيش تهاون ولا حاجه
يا فندم
لو هانبصلها لمسلم ومسيحي زى ما الناس عاوزه
وهانتكلم من ناحية اننا بلد اسلامي
يعني احنا الاكثريه
من باب اعطاء الامان للاقليه مش اكثر
هما دايما حاسين انهم اقليه او مضطهدين
حتي لو كان دا فيه شئ من المبالغه احيانا
لكن فين قيمة انك حاليا وبعد تفجير كنايس وبلد مولعه وتطلعى تفسري الايه دي تحديدا ؟
استفدنا ايه؟
المسلم كان هايرتد وتراجع مثلا؟
او المسيحي أسلم ؟
الاسلام مش بيزوده دخول الاشخاص فيه
الاسلام اكبر من كده
ولو حتي كان الامر علي سبيل الدعوه للدخول في الاسلام
ف دا يتم بالحكمه و الموعظه الحسنه وجادلهم بالتى هى احسن .. دا كلام ربنا
مش اني ابدأ كلامي اقوله انت كافر !!
انا مافيش محاضره لاحمد ديدات ماشوفتهاش
اد ايه كنت بحب شجاعة الراجل دا وعلمه
ولكن كمان رجاحته و اختياره للكلام و ولا مره شتم مسيحي او تعدي عليه
الامر مش اعتراض على كلام ربنا
الامر اعتراض على اختيار الكلام الموجه والطريقه والاسلوب
( مع العلم ان ردى كان من منظور اللى بيفكروا بفكرة الاكثريه والاقليه اللى انا اصلا مش مؤمن بيه )
E.E
Eslam Elbahrawy
