بالصور والفيديو - الحلقه الاولى لمسلسل كلبش - تناقض الاحداث - قتل الارهابيين خطأ - وايحاء ان البلد يملكها الضباط
لمشاهدة الحلقه الاولى من مسلسل كلبش كامله اضغط الرابط التالى
ممم .. البلد دى بلد ظباط !
=====
لما تعرف ان فى مسلسلات بتتكلم عن المخابرات او العمليات الخاصه لازم تتفرج وتتابعها كويس
زى الزيبق و مسلسل كلبش بتاع امير كراره
========
فى الحلقه الاولى من مسلسل كلبش
المفروض انه ضابط عمليات خاصه بيطلع عمليه
فى اثناء العمليه بيموت زميله اللى فرحه كان بعد يومين
فبيقرر انه يقتل الارهابى اللى قتل زميله وبالفعل بيقتله
==========
لفت نظرى حاجتين
الاولى :
بداية المسلسل اول دقيقتين
حوار بين والدة الضابط ( هاه فاخر ) وبين والده
بتقوله انا خايفه عليه بلاش ندخله كلية شرطه
وابوه يقولها بالعكس .. لان الزمن دا وحش انا بعمل الصح
البلد دى بلد ظباط !!
الحاجه التانيه :
بعد ما قتل الارهابى
الحوار اللى دار بينه وبين رئيسه فى العمل
اللى قرر يعمله قرار نقل لانه قتل الارهابى
وبيلومه وبيقوله ازاى تقتله وليه تقتله
احنا كنا هانجمع معلومات منه
وكان رد الضابط ان دم زميله مايساويش دم مليون كلب منهم
لكن بيصر رئيسه انه غلطان !
=========
بحب انا شغل السم فى العسل
المسلسل من الوهله الاولى ولقطات العاطفه لما الضابط بيموت تحس انه مسلسل فى صفك .. انما لما تركز على حاجات بسيطه تلاقيها عكس سير المسلسل.. خاصة ان الضابط شكله كده طالع فى دور مستهتر والله اعلم باقى الحلقات هاتبين ..لانه قتل الارهابى واتنقل بسبب كده .. ولما راح منطقه جديده مسك مجرم فضل يضرب فيه لحد ما قتله !!!!!!!!
ولسه هانشوف
E.E
Eslam Elbahrawy
