بالفيديو والصور- بيع الاهرامات واستخدام الهولوجرام واشاعات الفيس بوك فى الحلقه الاولى من مسلسل اللهم انى صائم
الهولوجرام وسرقة الاثار واستخدام الفيس بوك لعمل مظاهرات ممنهجه
فى الحلقه الاولى من مسلسل اللهم انى صائم !
=======
لمشاهدة الحلقه الاولى من مسلسل اللهم انى صائم كامله اضغط الرابط التالى
لمشاهدة التحليل بالفيديو
ماكانش ليا مزاج اتابع اى شىء
لكن اثناء وجودنا على الكافيه كانت القنوات بدأت تعرض مسلسلات
واول ما لقيت مشهد بيتكلم عن الاثار والاهرامات .. اتشد انتباهى طبعا
=======
المسلسل بطولة مصطفي شعبان
طالع فى دور نصاب
موضوع الحلقه قايم على فكرة انه ينصب على صاحب شركة سياحه
وعملية النصب كلها بدأت من خلال الفيس بوك
========
المشاهد بتتوالى
ان مصطفى شعبان بيروح لولد من اياهم اللى بشعر منكوش دول وبيديله فلوس وبيقوله اعملى صفحه على الفيس مضروبه وابتدى انشر اشاعة ان الاهرامات هاتتباع !
وبالفعل .. ينتشر الخبر على الفيس والدنيا تتقلب
وكل دا بسبب خبر مضروب واشاعه على الفيس بوك
بيستغل مصطفى شعبان هياج الرأى العام وتفاعله مع الاشاعه
وبيقنع رجل الاعمال ( عزت ابو عوف ) انه يلحق يعمل مشروعات قبل الاهرامات ما تتباع
وبالفعل بيسرق منه الفلوس وبيعمل عليه النصبايه
وكل دا .. بسبب خبر مضروب على صفحة الفيس بوك
==========
مصطفى شعبان وهو بيقوله احنا نعمل معرض و ندخل فيه الهولوجرام !
ونشغل الهولوجرام والفراعنه بيبنوا الهرم وكده الاجانب هايبقوا كأنهم واقفين قصاد الاهرامات الحقيقيه !
( ذكر الهولوجرام خاصة اننا عارفين استخدامه الاصلى فى تغييب العقول والتشكيك فى العقائد من خلال استخدامه لاظهار اطياف فى السماء وما شابه )!
والنقطه التانيه
الحلقه بتنتهى
والناس متجمعين فى مصر كلها وعاملين مظاهرات ضد بيع الاهرامات
ومصطفى شعبان قاعد وسط ( الشباب ) على القهوه وبيقنعهم ينزلوا المظاهرات ضد بيع الاهرامات
وبتنتهى الحلقه ومصطفى شعبان رايح للولد اللى عمله صفحة الفيس المضروبه واللى عمل الاشاعه من البدايه .. وبيديله حقه فى الفلوس بتاعت العمليه !
وكأنه عاوز يقول للناس
ان المظاهرات اللى حصلت اياها
كان برضو سببها خبر مضروب وفيديو مفبرك انتهت بمظاهرات سموها ثوره
والهدف من الحلقه انك ماتمشيش ورا السوشيال ميديا بدون بحث وتأكد !
** ولسه هانتابع رمضان السنه دى جايب معاه ايه :)
E>E
Eslam Elbahrawy
