تحليل - كفر دلهاب والمؤلف عمرو سمير عاطف - القصه مش قصة عفاريت - اسقاطات سياسيه واهواء شخصيه - الجزء الاول
كفر دلهاب وعمرو سمير عاطف
القصه مش قصة عفاريت ( 1 )
==========
خلينا نتفق فى الجزء الاول من الموضوع دا على شوية حاجات
1- عمرو سمير عاطف حتى وان كنت مش مع افكاره اللى بيكتبها ومش مع توجهاته السياسيه الا انك تحترم فيه انه بيقدر يصيغ اللى هو مؤمن بيه فى كتاباته بشكل غير مباشر !! و دى موهبه حتى وان كانت مش بتعجبنا احيانا
==========
2- اعتقد ان صياغة الاسقاطات فى كتاباته مش غريبه
خصوصا انى متأكد ان كثيرين منكم مايعرفوش ان هو مؤلف مسلسل بكار
واللى كان بشكل مباشر وغير مباشر بيلقى الضوء على النوبه كجزء من مصر
===========
3- اللى كمان لازم نأكد عليه ان فى مصر بالذات بنفتقد مبدأ التجرد .. يعنى لما بنيجي ننتقد شىء مابنقدرش نتخلى عن اهواءنا .. وكمان ممكن دا يحصل لما نيجى نكتب شىء .. وبعد متابعة 8 حلقات من كفر دلهاب
شخصيا وبرأى متواضع قد يكون خطأ ..
المسلسل مش مسلسل عن الجن والعفاريت
المسلسل فيه اسقاط على حقبه زمنيه معينه
فى تقديري الشخصي حقبة مبارك وما بعدها !
ومش خفى على حد توجهات الكاتب السياسيه لانه واحد من المساندين ل 25 يناير
==========
4- فى الحلقتين السابعه و الثامنه
شخصيا حسيت ان فى اسقاط سياسي
وجايز دا اشرحه فى البوست القادم
وبكرر انى ممكن اكون مخطىء بس بحاول افكر بصوت عالى معاكم
==========
5- مازلت بقول انى مش هاتكلم بالسلب او الايجاب عن المسلسل الا بعد انتهاءه انما بفكر بصوت عالى فى ملاحظات بتيجى فى بالى اثناء المشاهده
===========
6- تبقى انى اقول ان البوست دا كان مجرد تمهيد للبوستات القادمه النهارده
وان تحليل مشاهد مهمه جدا فى الحلقتين 7 و 8 ممكن يرجح وجهة نظرى
وكمان فى ملحوظات عامه تم ملاحظتها على مدار ال 8 حلقات اللى فاتوا
واخيرا .. بقى انى اقول ان عمرو سمير عاطف صديق عندى على الفيس بوك من 2012 .. وتقريبا هو الوحيد اللى من مساندى 25 يناير اللى مافكرتش اعمله بلوك .. لانى بحب صراع الفكر .. ان حد يشتمك او يهرتل بأى كلام دا عادى.. لكن لو حد انت مختلف معاه وضد توجهاته وشايف انه بيقدر يصيغ افكاره ويوجهها فنيا..دا بيكون الصراع الفكرى معاه ممتع بشكل اكبر
** وبالمناسبه انا حابب المسلسل حتى الان كعمل فنى فيه عناصر فنيه جميله زى التشويق والموسيقي التصويريه الجميله واعتقد المفاجأه فى السيناريو الحلقات الجايه لان مش معقول القضيه تتحل بعد 10 حلقات ونفضل باقى العشرين حلقه قاعدين مابنعملش حاجه 
:)
:)
** وللحديث بقيه واعتقد ان بقية الحديث هاتكون ممتعه جدا ليكم ** !!
E.E
Eslam Elbahrawy
