هل رامز جلال وغيره من الفنانين ماسونيين ام انهم يجهلون ما يقدمونه فى اعمالهم - تلك هى الاجابه الكامله لهذا السؤال المحير
طب هو رامز اللي ماسوني
ولا هو تافه ومايعرفش ??
=====
سؤال دايما بيسأله الناس لما بنتكلم عن عمل فني فيه رموز او ايحاءات فيها شبهات
ياتري الفنان دا ماسوني
ولا هو تافه ومايعرفش والمنتج والمخرج المسئولين؟؟
انا يمكن جاوبت كتير عن السؤال دا
وجاوبت من حوالي سنتين لما اتسألت نفس السؤال في حوار مع جريدة السياسه الكويتيه وكان السؤال.. انواع الفنانين اللي بيظهر رموز ماسونيه في اعمالهم
وقلت من وجهة نظري انا الشخصيه بشوف انهم 3 انواع
1- في النوع اللي مايعرفش .. الجاهل بالشئ
بس بيروح يجيب مخرج اجنبي للكليب بتاعه او مخرج مصري للفيلم لكن له توجهات وبيمثل وخلاص وهو مايعرفش الرمز في الكليب او الفيلم دا هو ايه
و دا كان تحديدا كان رد علي كتير قالولي انت بتحب عمرو دياب
بس عمرو دياب في كليب اكتر واحد ..ظهر العين :)
وقتها قلت انا اكاد اجزم ان عمرو دياب من النوع الاول دا
هو جايب مخرج اجنبي قد يكون له توجهات.. وعمرو يهمه النجاح وبس ومايفهمش ولا ماسونيه ولا غيره
بدليل ان مفيش رموز ظهرت في اي عمل فني له
حتي كليب اكتر واحد.. لما حطوا حرف العين داخل دايره
دا لانه اسمه عمرو دياب.. اول حرف من اسمه عين :D
وان كان غلاف الالبوم برضو متصور بنص الوجه و دا انا اتفق مع الناس فيه
لكني متأكد ان عمرو ولا عارف ماسونيه ولا بتنجانيه هو بيحب النجاح والفلوس وبس :D
( بحكم قربي من تفاصيل كتير في حياته الشخصيه )
=======
2- النوع التاني
اللي بيكون عارف ان دا رمز ماسوني
لكن الفنان رغم معرفته ..مش ماسوني ولا بيدعمهم
لكن بيشوف ان شكل الكليب او الفيلم كده هاينجح ويجيب سبوبه
فبيسكت ويعديها
و دا موجود في كليبات كتير خصوصا كليبات الشباب اللي لسه طالع ونفسه يظهر ومغلوب علي امره مايقدرش يختار كليب ولا مخرج وبيكون تحت طاعة الشركه المنتجه
=======
اما النوع التالت
دا الاخطر بقي
اللي عارف ..ومدعوم من الماسونيه لزيادة شهرته
النوع اللي تلاقيه في كل اعماااله بيظهر رمز ماسوني
النوع اللي تتفاجئ انه صوته زفت بس بقي مطرب مشهور !!!
او شكلها وحش والناس كلها تم غسل دماغها من الاعلام انها ملكة. جمال الكون !
اكبر دليل ضربت بيه الامثله دي
هيفاء وهبي ..
هيفاء وهبي كل وشم علي جسمها بيحمل رمز ماسوني
و كمان كل كليب لها فيه رموز
وصوتها وحش ومع ذلك شغاله مطربه وبتمثل وكل دا من الدعايه المدفوعه !
وكمان ميريام فاااارس
كليباتها كلها رموز
وبرضو هبطت علينا بالباراشوت
وخلي بالك كتر الزن علي الودان امر من السحر
لما تلاقي في وقت واحد كل القنوات والجرايد والمواقع والصفحات بتقولك ان انجلينا جولي دي صاروووخ وجامده ومزه.. خلاص ..عقلك بيتغسل وبيتم التحكم فيييه وبرمجته ان من كتر ما شاف وسائل اعلام بتقول انها مزه.. اول ما تشوفها.. هاتستدعي الكلام المتخزن في عقلك .. وتشوفها مزه.. رغم ان كتير لو دققوا فيها هي ولا شكل ولا منظر وكلهم صناعه بروباجاندا اتحكمت في عقولنا !
======
يارب اكون قدرت اشرح النقطه دي ووصلت لكم :)