بالصور - تحليل فيلم 18 يوم - 9 اجزاء تكشف الرسائل الخفيه والافكار الصادمه داخل الفيلم - ومفاجأة الاستعانه بعلم الشواذ فى الفيلم
** لمشاهدة الفيلم كامل اضغط الرابط التالى
==================
الان مع تحليل الفيلم كامل
***** مقدمه ****
فيلم 18 يوم
ملاحظات وتحليل
الجزء دا هايكون تمهيدى عشان تعرفوا بنتكلم عن ايه
ببساطه هو فيلم عن احداث 25 يناير
تم انتاجه عام 2011 وتم منعه من العرض لاسباب كتير
اهمها كمية سب الدين والالفاظ الخارجه فى المسلسل
ولما بقول الفاظ خارجه لا اعنى حتى كلمات شتيمه عاديه
انا اعنى كلمات لا استطيع حتى ذكر اول الحروف منها !!!
جاءت على لسان كل ابطال العمل بل وصل الامر الى تخطى حدود الشتائم
ووصلنا الى حد القيام بحركات او ايحاءات او اصوووووات لا تصلح ان تسمعها فى الشارع وليس في فيلم سينمائى
=========
الفيلم عباره عن مشاهد مجمعه
كل مشهد بيحكى قصه
كل مشهد كتبه مؤلف منفصل ومخرج منفصل
وكل مشهد له الممثلين بتوعه
دى قائمه بأسماء المشاركين فى العمل
وحاولوا تركزوا كويس مع الاسماء لان المفاجاّت كتيييير فى الاسماء فى البوستات الجايه
الممثلين
ناهد السباعى
احمد حلمى
منى زكى
محمد ممدوح
احمد الفيشاوى
ايمي سمير غانم
اسر ياسين
هند صبرى
باسم السمره
عمرو واكد
اياد نصار
احمد فؤاد سليم
محمد فرج
ياسمين شاش
يسرا
رامى عصام
المؤلفين
هشام منصور
بلال فضل
عباس ابو الحسن
عاطف ناشد
احمد عبد الله
تامر حبيب
ناصر عبد الرحمن
المخرجين
شريف عرفه
كامله ابو ذكرى
مروان حامد
محمد على
شريف البندارى
خالد مرعى
مريم ابو عوف
يسري نصر الله
احمد علاء
=========
الفيلم تم نشره منذ ايام ولكن ليس من خلال السينما او حتى مواقع الانترنت
لفيلم فجأه قرر ابطال العمل انهم ينشروه على صفحاتهم الخاصه
وسيبقى السؤال .. لماذا الان ؟
اعتقد كده طرحنا فكره مبسطه عن الفيلم
تابعوا باقى المنشورات القادمه
كل منشور سيتحدث عن كل قصه منفصله كانت فى الفيلم
وهاتشوفوا كتير !
وماتنسووووش فى نهاية كل بوست.. فى المفاجأه اللى تخصه
============
*** الجزء الاول ***
فيلم 18 يوم
ملاحظات وتحليل
الجزء الاول ( 1 من 7 )
=========
القصه المنفصله الاولى فى الفيلم بعنوان
( احتباس .. مستشفى الامراض العقليه يوم 24 يناير 2011 )
بيصور المشهد ان فى مجموعه من الناس محبوسه فى مستشفى المجانين
لكن الناس دى بتمثل اطياف الشعب
الشاب الغلبان .. والثورجى .. والاخوانى .. ورجل الاعمال الفاسد .. ومدرس التاريخ .. والصحفى .. وضابط الشرطه
المقصود بمسشتفى المجانين هى مصر
والموجودين دول اطياف المجتمع
جوا العنبر بيتخانق كل دول مع الضابط
بيسمعوا اللى بيحصل فى التحرير
الضابط بيتهم الاخوانى ان اتباعه بيبوظوا البلد برا
اما الباقيين بيتهموا الضابط انه سبب الخراب
واكثر ما شدنى فى المشهد محاولة اظهار الاخوانى بالذات انه برىء وطيب
لما بيتكلم وبيعرف نفسه وبيقولهم انا ارهابى متطرف مجنون
ايوه اصلى اتقبض عليا فى الجامع وانا بصلى
لالا.. قصدى وانا بحرض الناس على الارهاب
فى اشاره ان الاخوانى طيب ودايما بيتم الضغط عليه عشان يظهر ارهابى لكنه برىء
=========
اظهروا الضابط فى صورة المجنون المهزوز اللى جاله حالة هبل بعد احداث المحله وانه شايف كل الناس خونه حتى مراته عشان كده حبسوه فى مستشفي المجانين !!
====
اللى بيمثل شباب الثوار فى العنبر
بيقف بعد خطاب التنحى وبيقول
الى ادارة المستشفي ( يقصد المجلس العسكرى )
احنا عاوزين الديمقراطيه بس الاول..رأينا هو اللى يتسمع
ماتنسوش ان الفيلم انتاج 2011 و دا كان بيعبر عن رأيهم فعلا وقتها ان رأيهم هما اولا وبس
======
وبينتهى المشهد ان الثورجى قسم العنبر نصين
جمع الكل فى نص و جاب الضابط فى النص التانى لوحده
ولما الضابط قاله نفتح صفحه جديده احنا عايشين فى عنبر ( بلد ) واحده
رفض الثورجى والاخوانى !
=========
المشهد دا قام بإخراجه وتأليفه شريف عرفه
اما المفاجأه الخاصه بالبوست زى ما وعدتكم ان كل بوست فى نهايته مفاجأه
ان شريف عرفه اللى قام بتأليف واخراج المشهد عشان يظهر الشاب الاخوانى انه ضحية امن الدوله اللى لفق له التهمه انه ارهابى..
هو نفسه شريف عرفه اللى اخرج المشهد دا فى 2011
هو نفسه كان شريف عرفه اللى اخرج مسلسل الجماعه لفضح جماعة الاخوان المسلمين فى 2010
شوفتوا بيتلعب بينا ازاى؟
وطبعا كل شىء صــــــــــدفه
من 2011 ولحد 2017
وانتظروا الباقى
==================
*** الجزء الثانى ***
فيلم 18 يوم
ملاحظات وتحليل
الجزء الثانى ( 2 من 7 )
=========
عنوان المشهد فى الفيلم
19-19
عمرو واكد الثورجى المقبوض عليه فى امن الدوله
باسم السمره هو امين الشرطه المسئول عنه
و اياد نصار هو ضابط امن الدوله
المشهد بيقوم على تعذيب باسم السمره لعمرو واكد
لان عمرو واكد ثورجى شريف وامن الدوله بتلفق التهم
طبعا كمية الالفاظ اللى خرجت من باسم السمره
وكان معاهم سب الدين .. لا يمكن وصفها
حاولوا يركزوا دايما فى المشهد ان ضابط امن الدوله وهو بيحقق مع المتهم دايما كان فاتح التلفزيون على قناة الجزيره لانها هى اللى بتجيب الحقيقه والتلفزيون المصرى بيكدب
فى محاولة عشان يخدع المشاهد ان دا كان الصح ايام 25 يناير ..طبعا افتراضا منهم ان الفيلم كان هايتعرض وقتها
والناس هايفضل مضحوك عليها
ماكانوش يعرفوا ان الفيلم هايتسرب فى الايام اللى العالم كله مقاطع قطر بسبب كدب قناة الجزيره
=======
فى محاوله لترسيخ فكرة ال 50% اللى اقنعوا الالتراس بيها وبيغنوها لضابط الداخليه فى المدرجات انه غبى ومش بيفهم
فى المشهد اياد نصار الضابط بيسأل عمرو واكد الثورجى المظلوم !
بيقوله بتشتغل ايه ؟
فرد قاله بشتغل مدير مبيعات فى شركة intel middle east
فإترسمت علامات غباء على الضابط ومافهمش
فوضحله بالعربى وقاله شركة انتل دى شركه عالميه
وميدل ايست دى يعنى الشرق الاوسط والشرق الاوسط دا حيز جغرافى يعنى
فى محاوله تامه لترسيخ فكرة ان الضابط مش بيفهم وغبى ومش متعلم
وانا معاكم اهو .. والايام بيننا الشباب اياهم هايعملوا كوميكس على الحته دى بالذات فى الفيلم
=========
فى اشاره للى حصل مع وائل غنيم
فاكرين واقعة اللاب توب لما اتقبض على وائل غنيم واكتشفوا بلاوى معاه ؟
المشهد دا بيحاول يرسخ العكس فى دماغ الشباب
بيلاقى جهاز i-pod
مع عمرو واكد وبيقوله دا متسجل عليه كلام بالانجليزى
فعمرو واكد بيقوله دا كتاب بيشرح المالتى ميديا والشغل فيها
فرد الضابط قاله يعنى ممكن نقول ان دا حد بيشرحلك خطه وتلبس قضية تخابر
برضو فى محاولة لترسيخ فكرة تلفيق التهم وان الشباب دا كان كله برىء وطاهر
========
سأل الضابط سؤال مهم وقاله انت ليه ماقولتليش انك سافرت صربيا؟؟
فرد قاله انت ماسألتنيش
فى محاوله لاقناع المشاهد ان السفر لصربيا شىء عادى جدا ومافيهوش شبهه تخلى الواحد يعترف بيها الا لو اتسأل
=========
بينتهى المشهد كالعاده بإظهار الضابط وسخ والورجى شجاع
الثورجى بيقول للضابط انت عارف انا فهمت ايه لما انت بتعذبنى وانت مغمى عيني؟
عشان انت زيك زى الضباط اللى كانوا بيعذبوا الناس فى معسكرات هتلر كانوا حتى مايحبوش يشوفوا بعض حتى وهما بيستحموا ..لانهم اكتشفوا ان اللى بيعذب دا بيعوض حتت النقص فى قدرته الجنسيه !!!
=========
وكالعاده وانا بتفرج كنت متوقع نهاية المشهد والله
تم تعذيب الثورجى لحد ما مات بكل لا مبالاه من الضابط !!
=======
اما مفاجأة البوست زى ما قولنا
ان اللى عامل دور الثورجى عمرو واكد = فلسطينى خاين عمره ما عمل فيلم لبلده
واللى عامل دور ضابط امن دوله مصرى مجرم اياد نصار = اردنى من اصل فلسطيني عمره ما عمل فى بلده فيلم عن حقوق الانسان فى بلده
لسه بقى الكبيره
ان اللى عامل دور ضابط امن دوله قاتل فى فيلم من انتاج 2011 .. هو نفسه اللى عمل دور حسن البنا الاخوانى فى مسلسل فى 2010
اما باسم السمره
اكيد الفيلم دا لو اتذاع فى 2011
كان هايكون سهل تفهموا توجهاته اللى ظهرت فى افلامه
زى فيلم جمهورية امبابه وفيلم ماشيين بالعكس
اللى كلها مضمون سياسي ضد مصر بشكل عام وواخده الفكر بتاع ازاى تكره الناس فى البلد
اما مخرج المشهد هو مروان حامد
اللى اخرج فيلم الفيل الازرق .. وكمان مخرج فيلم الاصليين بتاع خالد الصاوى اللى عامل ضجه حاليا ولنا تعليق على محتواه ان شاء الله
( شبكه مربوطه ببعضها )
وللحديث بقية
===================
*** الجزء الثالث ***
المشهد بعنوان .. ان جالك الطوفان
بإختصار شديد فى المشهد دا
وبرضو على اعتقاد صناع الفيلم ان الفيلم هايتم انتاجه فى 2011 ويتم عرضه فى نفس العام
فكان الاشتغالات هاتفضل ماليه دماغ الناس
بيحاولوا فى المشهد دا يقنعوا الناس ان ماكانش فى حد مع مبارك
وان محدش نازل مصطفى محمود ولا اى مكان
المشهد بيحكى قصة عيل غلبان بينزل يبيع اعلام فى التحرير
مابيقدرش يبيع حاجه وكان هيخسر فلوسه
فقالوله خلاص ارسم صورة مبارك على الاعلام ونروح نبيعها فى المناطق بتاعت الناس المرتاحه فى المهندسين !!
=========
بالاضافه .. هو حاول يفهمك ان من يطلق عليهم حزب الكنبه
دول مجرد ناس كبيره ومخرفه وبتحب الفلوس
اول المشهد بيجيبلك الراجل الكبير قاعد فى القهوه وبيعيط وهو بيسمع مبارك فى الخطاب
وبيقولهم حرام مش عاوزين الراجل يندفن هنا
انا هاروح التحرير واضرب العيال دى بالجزمه
لكن بعد شويه لما بيوصل الولد بتاع الاعلام
ويعرض عليه انه ياخد نسبه من الفلوس لو نجح يبيع الاعلام كلها
قام الراجل الكبير وكتب على صور مبارك.. يسقط مبارك
وقاله يلا انا هانزل معاك ونبيع الاعلام
ولما صاحب القهوه سأله ..انت مش كنت بتعيط دلوقتى على مبارك
قاله مبارك نفسه لو مكانى كان هايعمل كده .. ويهتف الراجل الشعب يريد اسقاط النظام
فى محاوله لاقناعك ان ماكانش فى مؤيدين لمبارك
دول ناس بتوع سبوبه وكلهم مأجورين او بتوع فلووووس !!
اما بالنسبه لمؤلف المشهد
فيكفى بدون شرح لتاريخه انى اقول اسمه القذر بس
بلال فضل
اليمنى اللى عمال يخرب فى مصر ومافكرش يبص لبلده اللى ضاعت
=================
*** الجزء الرابع ***
اخطر مشاهد الفيلم
المشهد بيحكى قصة الجد احمد فؤاد سليمه اللى حفيده كان مريض ونزل بيه المستشفي
ووقتها كان حظر تجول يوم 28 يناير
اثناء رجوعه بيمنعه الجيش انه يرجع لبيته ويفضل فى الشارع لانه خرق حظر التجول
المشهد بيظهر ضابط الجيش انه ماعندوش فهم ولا تمييز ولا احساس
بيتحايل الجد على الضابط انه يروح بيته اللى على بُعد امتار من الكمين
وضابط الجيش يقوله لا.. دى اوامر
ممم..
بيفضل الراجل يلف بالعربيه ..
مره يتعرض لمطارده من عربيه ويفكر انه هايتم السطو عليه
ومره يوقفه شباب ويترعب ويفكر انهم هايسررقوه ويطلعوا لجنه شعبيه
المشهد بيحاول يوصلك
ان بسبب تعنت ضابط الجيش
الراجل الكبير شاف الويل وكان ممكن يتقتل او يتسرق !!
الجمله الاغرب فى المشهد
لما ضابط الجيش بيقوله .. لف وارجع من الشارع الجاى
فبيرد يقوله ايوه يا فندم بس دا مخالف ؟
ضابط الجيش بيقوله معلش مخالف بس اخطفها فى السريع
فكرة انه يقنعك ان ضابط الجيش مش بالالتزام اللى انت فاكره يعنى
وانه بيعمل الغلط وممكن عشان ينفذ الامر اللى هو واخده
يخليك تمشى غلط عادى مش مشكله !!!
بمعنى اصح والمقصود بالمشهد كفكره من بعيد
ان الجيش عادى انه يلبسك .. مادام هايعمل اللى على مزاجه !!
========
وبيختم المشهد بأهم صوره
صورة الطفل الحفيد وهو واقف على دبابه رافع علامة النصر
والدبابه مكتوب عليها يسقط مبارك
والله الفيلم دا لو كان اتعرض في 2011 .. كان الفتنه زادت
لان الفيلم دا كان هايكون له تأثير كبير لانه جمع كل النجوم فى الوقت دا واللى الشباب بيحبوا يسمعوا لهم
=======
نختم بمفاجأة البوست بقى
مين مخرج المشهد يا ولاد ؟؟
شريف البندارى
مين شريف البندارى يا ولاد ......؟
شريف البندارى هو مخرج الفيلم القصير حظر تجووول
لالالا مش بس كده
شريف البندارى هو مخرج فيلم .. على معزه وابراهيم
اللى اتكلمنا عنه قريب صاحب فكرة ان الانسان يحب المعزه ويفكر فيها عاطفيا والمغزى الغريب من الفيلم !!
اما الكبيره بقى عشان تعرفوا اننا بيتلعب بينا وشويه شمال وشويه يمين
ان شريف البندارى هو نجم رمضان 2017 .. اه والله
لانه هو مخرج مسلسل الجماعه 2
==============
*** الجزء الخامس ***
بعنوان .. كحك الثوره .. بطل المشهد احمد حلمى !
احمد حلمى الشاب الغلبان اللى بيخاف من كل حاجه
بيروح يفتح المحل اللى هو شغال فيه الصبح فى وسط البلد .. محل ترزى
بتقوم المظاهرات
بيدخل عليه امين شرطه هدومه اتقطعت وعاوز يخيطها بسرعه
ولانه مستعجل .. امين الشرطه بياخد هدوم من عنده وبيسيبله الهدوم الميري
=========
بتتوالى احداث المشهد وبيبتدى ضرب الغاز على المتظاهرين
بيقرر احمد حلمى انه يقفل المحل على نفسه لحد ما المظاهره تخلص
لكن المظاهرات بتستمر ايام ...
فبيقرر يسجل على شرايط الاحداث عشان لو مات ابوه يعرف كان بيحصل ايه
1- لما بينضرب الغاز وبيدخل الغاز جوا المحل بيقول ايه دا؟ قنابل؟ دى حرب مع اسرائيل؟؟؟
عشان برضو ترسيخ فكرة ان الداخليه قتلت الشباب وان المفروض كانوا راحوا حاربوا اسرائيل احسن
2- لما بيبتدى يسجل الشريط لابوه عشان يوصفله ايه بيحصل
بيقوله انا سامع صوت الناس بتصرخ برا
دى ممكن تكون اسرائيل اللى بتعمل معاهم كده ياحج؟
ايوه هى اسرائيل اصل دى طريقتها.........!!
برضو ترسيخ لفكرة ان الداخليه يهود وبيقتلوا الشعب
3- كالعاده محاولة ابعاد شبهة فتح السجون عن حزب الله وحماس
وترسيخ فكرة ان الداخليه هى اللى فتحت السجون
احمد حلمى بيسجل وبيقول انا سامع برا صوت جمال و احصنه
انا امبارح سمعت ناس برا جنب المحل كانوا بيقولوا عن حزب الله وحماس
يكونش دول هما اللى برا وراكبين الاحصنه !
عشان يرسخ فكرة ان مفيش حماس ولا حزب الله وان اللى فتح السجون .. هو اللى عمل موقعة الجمل
4- المشهد بيحاول يوصلك فكرة ان احمد حلمى بيمثل الجزء من الشعب اللى فى حاله وغلبان وبيقول انا مش عارف جرالنا ايه ما كنا مبسوطين وبننضرب على قفانا ومابنتكلمش؟
مازالت محاوله برضو عشان يقنعك ان اللى كان ضد 25 يناير
كان اما حزب كنبه او جبان و عاجبه انه ياخد على قفاه
انما ماينفعش يبقى صاحب وجهة نظر وشايف انها نكسه مش ثوره
5- من اخطر لقطات الفيلم .. شوفوا ترسيخ الافكار ازااااى
احمد حلمى بيقول وهو بيسجل ..
انت عارف يا حج .. لو كان اللى برا دول ( يقصد الثوار ) اسرائيليين
انا كان ممكن اخرج
انما لو خرجت دلوقتى..الناس اللى برا دى لما هاتتمسك الحكومه هاتنفخهم وتعلقهم
فكرة انك يعنى كمواطن رخيص وبتتقتل وتتعذب انما انت لو اسرائيلي الحكومه مش هاتعمل معاك كده
6- فى مشهد برضو عشان يرسخ فكرة ان الداخليه دول كفره
هو بيسجل على شرايط كاسيت قديمه
عنده 3 شرايط ...
واحد عليه اغانى ام كلثوم والتانى تسجيل لحسنى مبارك والتالت قراّن كريم
بيسجل اول مره على شريط ام كلثوم
لما الشريط بيخلص .. بيحاول يسجل تانى مره
فبقى قدامه انه يسجل على شريط الكاسيت اللى فيه صوت حسنى مبارك او صوت القراّن
راح مسجل على الشريط اللى فيه صوت القراّن ومارضاش يسجل على الشريط اللى فيه صوت مبارك وقال معلش بقى ربنا بيسامح انما دول مابيسامحوووش !!!
7- شوف بقى المشهد بينتهى ازاى عشان تفهم الفكر الدموى والتخريبي للناس دى فى الوقت دا
احمد حلمى مريض سكر وابتدى الدوا يخلص
فقال .. انا لو خرجت ممكن اموت..ولو قعدت من غير دوا السكر هاموت
فقرر يخرج..بس وهو خارج حس بالبرد فلبس الجاكيت الميري اللى امين الشرطه سابهوله فى اول المشهد
خرج من المحل..الثوار شافوه لابس ميري ..فكروه شرطه .. اتلموا عليه وقتلوه
فكررررررررة المشهد ببساطه
ان كل اللى مانزلش فى 25 يناير وخاف او ماكانش مؤمن بيها
كان يستحق الموت
اما انه يموت من المرض
او انه يموت على ايد الثوار !!!
=========
مفاجأة البوست كالعاده
هتلاحظوا ان الاخبار على كل المواقع بتقول ان احمد حلمى بيواجه الحرج وبيسعى لحذف تسريب الفيلم بسبب هجوم الجمهور عليه
والسبب مش بس تمثيله فى الفيلم والكلام اللى قاله والاوصاف اللى وصف بيها وشبهنا بالاسرائيليين
انما كمان اللى كتب المشهد دا بنفسه وكتب السيناريو كان ... احمد حلمى
وللحديث بقيه
============
*** الجزء السادس ***
المشهد بعنوان .. تحرير 2/2
المشهد بطولة هند صبرى و ار ياسين
تلخصيا للفكره المشهد بيقوم ان اسر ياسين عاطل مفيش شغل
وبيجيله واحد صاحبه عشان مصلحه
والمصلحه انهم هاينزلوا بالجمال والاحصنه يضربوا الناس اللى فى التحرير
======
فى وسط الحوار بين محمد ممدوح و اسر ياسين
ولاحظوا ان دا فى 2011
بيقوله اصحى بقى فى عيال اجانب فى التحرير عاوزين يخربوا البلد وجايبين كنتاكى
وعاوزين يشيلوا الريس
يرد اسر ياسين : ريس مين اللى يشيلوه..وهايجيبوا مين مكانه؟
اسكت هايجيبوا بقى امريكان ويهود ويقعدوا يحكمونا
( كل دا تهكم على الكلام اللى كنا بنقوله فى الوقت دا )
واللى اتحقق بعد كده
لما تولى الحكم اخوان بنى صهيون
لكن فى 2011 كان بيتم التهكم علينا
لذلك زى ما توقيت عرض الفيلم مقلق
الا انه مفيد وايجابى عشان ناس كتير تفوووق وتفهم كانوا بيحاولوا يتهكموا علينا ازاى
==========
طبعا سب الدين و الش** والشتيمه بألفاظ عمرى ما توقعت اسمعها فى الميديا خرجت من اسر ياسين فى المشهد دا .. ومحاولة اقناعك برضو ان الرئيس مبارك هو اللى كلف بلطجيه ينزلوا فيما يسمى بموقعة الجمل !
=========
مفاجأة البوست
دايما بقولكم هما شبكه
والله شبكه ..بيشغلوا بعض وبيشهروا بعض والهدف واحد دايما
هند صبرى بطلة المشهد
اللى عمرها ما اتكلمت عن اللى بيحصل فى بلدها تونس
واللى دايما تعمل اعمال تسوء سمعة مصر
اخرهم مسلسلة امبراطورية مين انتاج سنة 2014
المسلسل اللى اظهرت فيه المصريين بلطجيه وحراميه ومطار القاهره مرمى فيه زباله والمضيفين والمضيفات بتوعنا متخلفين واكيد فاكرين المسلسل وضجة الغضب اللى عملها وقتها
مين بقى اللى كتب المشهد دا فى الفيلم؟؟ مريم ابو عوف
مين مريم ابو عوف؟؟
مريم ابو عوف هى مخرجة مسلسل امبراطورية مين
واللى اخرجت مسلسل واحة الغروب فى 2017 وكان برضو بيدور حوله جدل !
فى 2011 اتجمعوا لهدف
وبعدها بيفضلوا يتعاونوا لان هما بيبقوا الفريق ذات الهدف الواحد
وللحديث بقيه
==================
**الجزء السابع ***
الجزء الاخيـــــــــــر والمفاجأه الكبرى .. السطر الاخير يحمل الصدمه
=======
بعد ما عرضت ملاحظاتى الخاصه بالفيلم عندى بقى شوية حاجات خفيفه كده نختم بيها
1- ماسألتوش نفسكم ياترى صدفه ان فى 2011 لما يتعمل فيلم زى دا
فجأه نكتشف ان كل اللى كانوا فيه اصبحوا بعد كده بيتصدروا المشهد واصبحوا نجوم شباك
محمد ممدوح و محمد فرج وايمي سمير غانم و اسر ياسين وناهد السباعى واياد نصار؟
صدفه صح ...؟
اللى مش عارف شكل الاسماء يبحث عنها فى جوجل هاتكتشفوا انهم منتشرين جدا على مدار السنوات اللى فاتت
=========
2- توقيت تسريب الفيلم ..؟
ليه دلوقتى؟؟؟ تسخين ؟؟ هاتقولى بلاش نظرية مؤامره
هاقولك مضطر لان الفيلم لم يتم تسريبه فى موقع او سينما
دا اتسرب على صفحات الناس اللى مثلت فى الفيلم !
============
3- كمية سب الدين والشتايم اللى فاقت كل الحدود لدرجة انى كل ما افكر اكتب اول حروف منها اتحرج اصلا
دا ماخلاش الاندهاش عندكم يروح ؟
ايوه .. ماهو لو كان بعد الثوره المجيده هما دول الفنانين اللى بيمثلوا الثوره والفن وبيسبوا الدين وبيشتموا وبيش*** من مناخيرهم هما اللى بيعملوا كده..يبقى فعلا عادى فى 2017 نشوف احمد مالك والواقى الذكرى ونشوف مسلسلات فيها سب وشتيمه
هما ماكانوش مندهشين من افعال احمد مالك لانهم عارفين وكان دا هدفهم من زمان ..انما احنا ماكناش نعرف !
==========
4- ماحسيتوش ان كلمتى صح؟ .. ان التلفزيون دجال العصر
لما لقيتوا مخرج مسلسل الجماعه اللى بيفضح الاخوان
هو نفسه اللى بيعمل مشهد فى الفيلم يطلع الاخوان مظلومين
واياد نصار اللى عمل دور حسن البنا
هو نفسه اللى بيعمل دور ضابط امن الدوله الفاشي
=========
5- هل تعلموا ان اللى غنى اغنية الفيلم هو رامى عصام
رامى عصام اللى عرفه منكم عرفه مؤخرا
بأغانيه اللى كلها كلمات ضد النظام ورموز ماسونيه شرحناها كتير
لكن انك تبقى عارفه ومستعين بيه من 2011 قبل ما يتعرف
دا معناه انكم عارفين بعض كويس ومشبوكين ببعض
===========
6- سؤال لمخرج الفيلم
الفيلم كان فيه 10 قصص مختلفه بتحكى من يوم 25 يناير ل 11 فبراير
ليه ولا قصه فيهم شوفنا مشهد واااااحد ليوم 28 يناير؟؟
ولا تكسير عربيات شرطه ولا حرقها ولا اقتحام اقسام ولا فتح سجون ولا قتل ضباط ولا قتل مجندين؟؟
كنتوا مفكرين وقتها ان الفيلم هايتعرض فى 2011 صح ؟
وان الناس هاتفضل مغيبه والحقايق مش هاتتكشف وان الفيديوهات مش هاتطلع
فتعمدتم اسقاط اليوم دا من الذاكره عشان مايظهرش وجهكم القبيح والمجرم
============
7- اما سؤالى الاخير لكل القائمين على الفيلم وهو متعلق بصورة البوست
هو ليه اول صورة للفيلم فى اول ثوانى
الصوره الرئيسيه للفيلم اللى بتبتدى بيها الاحداث
مكتوب اسم الفيلم على خلفية علم مصر مدمج مع علم الشواااااااااااااذ بألوانه المعروفه ؟؟؟؟
( بصوا لصورة البوست كويس )
===========
دى كانت كل ملاحظاتى
اسف للاطاله ويارب اكون وصلت فكرتى
E.E
Eslam Elbahrawy
