بالصور - ما سبب حذف مسرحية الجاسوس من على الانترنت ومحاربة الفيس بوك لمنع نشرها مره اخرى
مسرحية الجاسوس .... اختفت من الانترنت ...؟
===========
مسرح مصر من موسمين او اكتر
عمل حلقه عن الجاسوس الاسرائيلي اللى نزل ميدان التحرير
وكان بيقوم بدور الجاسوس اشرف عبد الباقى
وكان عاوز يوصل ازاى تم التلاعب بالمتظاهرين من خلال الجواسيس ومن خلال قناة الجزيره
افتكرت الحلقه وحبيت ارفعلكم فيديو حلو اوى منها يخص 25 يناير
ادخل اليوتيوب .. جميع حلقات مسرح مصر موجوده الا الحلقه دى
ادخل المواقع... مفيــــــــــــــش
مختفيه فعلا..ولا موجوده كامله ولا حتى مقاطع صغيره منها !!
فضلت وراها لحد ما لقيت موقع مدفون حاطط الحلقه رافعها على السيرفر بتاعه.. حملت الحلقه و قطعت الجزء اللى عاوز اعرضه
رفعتها على الفيس بوك .. لقيت الحظر اللى قصادكم دا
الفكره مش فكرة حقوق بقى
لان المقاطع كلها للحلقات الحديثه والقديمه بنرفعها عادى
اشمعنى حلقة الجاسوس اللى بتتكلم عن اسرائيل؟
واللى بتتكلم عن الجزيره بشكل صريح ومباشر؟؟
واللى بتتكلم عن التلاعب بالمتظاهرين فى 25 يناير؟
فى حاجات بتحصل دايما بتأكدلى اننا مهما كنا بنكتب وبنتكلم
فى الاول والاخر بنكتب وبنتكلم فى برامجهم اللى هما صمموها
وعارفين ايه يظهر وايه مايظهرش
ممكن يسيبونا نتكلم فى سياسه ونكتب .. مش كل الناس بتقرا
لكن لما تنشر الفـــــــــــــن .. كل الناس بتتفرج
خصوصا لو سلاح الكوميديا !!!
E.E
Eslam Elbahrawy
