بالصور - حكاية ابو الشهيد و زبيده المختفيه قسريا - جماهير الاتحاد السكندرى تصنع التاريخ بالصدفه

بالصور - حكاية ابو الشهيد و زبيده المختفيه قسريا - جماهير الاتحاد السكندرى تصنع التاريخ بالصدفه

حكاية ابو الشهيد .. و زبيده المختفيه قسريا !

جماهير الاتحاد السكندرى تكتب التاريخ بالصدفه !!

==============

البوست مالوش علاقه بالكوره 

سواء ليك فى الكوره او لا 

كفايه انك تكون مصرى

الكابتن محمد عمر .. 

واحد من نجوم كرة القدم المصريه 

ونجوم الاسكندريه ومدرب قدير جدا

فى مباراة فريق الاتحاد السكندرى الاخيره .. 

بعد نهاية المباراه .. هتفت الجماهير .. ابو الشهيد اهو 

و انفجر الكابتن محمد عمر فى البكاء

وانطلق الجميع يسأل .. ما علاقة الهتاف بالكابتن محمد عمر ؟

القصه يا ساده .. ان الكابتن محمد كان له ابن يخدم فى القوات المسلحه

المقدم شريف محمد عمر 

استشهد فى يوم 17/3/2016 إثر عمليه ارهابيه بسيناء

الكابتن محمد عمر من وقتها ولحد مكالمه قريبه مع الكابتن شوبير

كان صامد صمود دفع احمد شوبير يقوله انا بحسدك يا اخى

الراجل متماسك .. كل اللى بيقوله فى كل المكالمات

الحمد لله .. كل عمر مكتوب له نهايه وابنى اتكتب له احلى نهايه .. 

انه يموت شهيد !!

فى اللحظه دى قلت سبحان الله 

هو دا الفرق فعلا والقيمه بين الشهيد و الخاين 

الشهيد بيخلى اهلى مرفوعين الراس مدى حياتهم

والخاين بيخلى اهله عايشين فى عار مدى الحياه

افتكرت زبيده .. و امها 

الاخوانجيه الخونه اللى حاولوا يبيعوا البلد بشوية فلوس رخيصه 

وقلت هو دا الفرق

ابن الكابتن محمد عمر شهيد ..

ابو بيفتخر بيه .. والناس بتهتف له .. وهو بيتباهى

بينما زبيده استعرت من امها وتنصلت منها

و ام زبيده استعرت من بنتها وتنصلت منها 

لان الاتنين يجيبوا العار .. مش مصدر فخر

هو دا الفرق بين اللى بيموت عشان خاطر تراب الوطن

وبين اللى بيبيع تراب الوطن .. بتراب الفلوس

** اخيرا .. من المفارقات الجميله ..

ان الهتاف للشهيد و والده .. كانوا فى ملعب ( الجيش ) ببرج العرب :)

وهو نفس الملعب اللى التراس اهلاوي ( البلطجيه ) هتفوا فيه ضد الجيش !!

رحم الله الشهداء 

ولعنة الله على الخونه 

و إلى الكابتن محمد عمر .. ارفع راسك فوق انت والد الشهيد

E.E

Eslam Elbahrawy