بالصور - رساله الى معتز مطر - كيف استطعت ان تكشف خطة عسكرة مصر من خلال اطفالها ؟ - ماذا عن مشروع الشهيد ؟
رساله خطيره إلى معتز مطر
ازاى قدرت تكشف خطتنا فى عسكرة اطفال مصر؟
الرعب اتمكن منى فعلا .. لكن قولتلى ماما اسمها ايه؟
===========
✅ كعادتى .. عشان اعرف اللى جاى على بلدى ايه .. لازم اتابع كل جاسوس وخاين وعميل بيقول ايه
✅ الرساله دى عارف انها هاتوصل لمعتز مطر
اللى معدين البرنامج بتوعه عارفين البروفايل هنا كويس
واللى بلغوه ان انا كنت السبب فى طرده من وظيفته فى الاذاعه والتلفزيون !
✅ فى حلقة الاثنين 12 مارس .. معتز مطر بدأ الحلقه بصراحه بكشف خطه خطيره ينفذها السيسي لعسكرة اطفال مصر .. شخصيا بصراحه اترعبت ان الخطه اتكشفت !
✅ اذاع فيديو لاطفال لابسين بدله ميري وشايلين علم مصر فى احد المدارس
وقالك النظام مش مكتفى بكده وبس .. دا كمان عمم اغنية قالوا ايه عشان يربى العيال على العسكره !
✅ بصراحه يا بيبي .. انت عندك حق ..
يا اخى الواحد طلع متعسكر من زمان اوى
من ايام ما كنا عيال صغيره بنفضل سهرانين ليلة العيد مش قادرين ننام
عشان النهار يطلع ونلبس بدلة الظابط ونمسك المسدس ونلعب فى الشارع عسكر وحراميه
✅ ماكناش نعرف ان فى يوم والايام .. ممارستنا للعبة عسكر وحراميه هاتنفعنا
وهايجي علينا يوم ونقاتل ونحارب بجد
يجي علينا يوم زى ما كنا بنسهر واحنا اطفال عشان نلبس بدلة العيد الميري
هانكبر ونفضل سهرانين برضو واحنا بنبص للبدله الميري
وهي بتحاربكم .. وهى بتنضف البلد من الوساخه
هايجي يوم زى ما كنا بنمسك الحراميه واحنا صغيرين
هايكتب علينا ربنا اننا نحاربك واحنا كبار
✅ انت شايف ان ترغيب الاطفال وزرع حب الجيش جواهم دى عسكره؟
بدعوى ان الطفل لما يكبر هايطلع حابب الجيش وبناء عليه دا غلط
لازم يطلع كاره الجيش.. وحابب دولة الخلافه
ولما يكبر بدل ما يلبس البدله الميري
يلبس الجلابيه القصيره و يسيب دقنه تطول زى كفار قريش
ويبقى جاهل لا شغله ولا مشغله .. ويكتفي انه يحضر الدرس الديني
اللى بيقول المرشد ربك وافراد الجماعه هم رسلك وانبياءك ..
مش كده برضو يا ميزو ؟
✅ انا موافقك بصراحه
بس ما تفكرنى كده بالصور اللى انت شايفها دى
هو الطفل اللى يلبس جلابيه بيضاء مكتوب عليها مشروع شهيد ويستخدم كدروع بشريه فى المظاهرات ؟... دا اسمه ايه؟ اه اه دا جهاد فى سبيل الله
هو الطفل اللى بينزل لابس التى شيرت الاصفر ويعمل علامة رابعه بصوابعه رغم انه فى المدرسه يا عيني لسه ماتعلمش يكتب من 1 ل 4 ازاى
دا اسمه ايه .؟ اه اه دا دفاع عن قضيه
هو الطفل اللى بينزل مظاهره وتشيلوه صورة الجاسوس وصورة المرشد
دا اسمه ايه؟ ممم عندنا العيال لبست لبس الضباط قولتوا عسكره
فلما الطفل يمسك صورة جاسوس تتسمى ايه؟ جوسسه ؟
ولما يمسك صورة المرشد يتسمى ايه؟ مرشده ؟
ولما فى البلد اللى انت عايش فيها يا خاين .. بيطلع الخليفه التركى يجبر الاطفال بالعافيه يلبسوا الزى العسكرى عشان يتصوروا معاه لدرجة ان الاطفال بتبكى ..
دا يتسمى ايه .. أردغه ؟ ولا أتركه ؟ ولا عثمنه ؟
✅ عارف.. وبجد بدون تهكم والله .. انا بحسدك
فى ناس مثقه متعلمه بتقول حقايق بتحفى عشان يكون لها متابعين
فتخيل لما مدمن كوكايين هارب وعميل ضد بلده بيطلع يقول كلامك دا
ويلاقى له متابعين .. بالله عليك دا مش محظوظ وامه اسمه ام السعد !
✅ والله لو عليا مش هرد عليك
وعارف ان فى اصدقاء هايكتبوا يقولوا تجاهله
لكن انا برد عشان البهايم والخونه اللى عايشين وسطنا
اللى بيسمعوك وبيرددوا كلامك
ومنتشرين وسطنا فى المؤسسات الحكوميه وفى اماكن كتير
البهايم من المغيبين والكارهين للبلد والخونه وجميعهم سواء
✅ حب الوطن والجيش مش خيانه الا عند الخاين الكاره
حب الوطن والجيش مش مربوط بالسيسي ولا مبارك ولا غيرهم
حب الوطن والجيش بيتخلق جوانا لان ربنا لم يصب قلوبنا وابصارنا بالعمى كما اصابكم
** لما كنا اطفال وكنا بنحلم نشترى بدلة العيد ماكناش نعرف اسم رئيس الجمهوريه ايه
ولا كان ابويا الله يرحمه بيقعد يقولى انا هاجيبلك بدله عشان تحب عمو حسنى مبارك
انما انتم بتنزلوا الطفل المظاهره وانتوا بتلقنوه ان اللى واقف دا هايقتلك
اللى واقف دا لازم لما تكبر تقتله
اللى واقف دا هو اللى ضد ربنا وربنا مش هايحبك لو حبيته
لعنة الله عليكم يا وساخة البطون
الامضاء ... الحراق عليك دايما ..
E.E
Eslam Elbahrawy
