السر وراء منع ابراهيم عيسي من المشاركه فى مسلسل ارض النفاق بأوامر من السعوديه - هل هى الافكار السياسيه او التشيع؟
ابراهيم عيسي ملك النفاق -- ممنوع بأوامر السعوديه من دخول ارض النفاق !
تلاعبتم بنا من اجل الاموال ..والان تتلاعب بكم وبأدواركم الاموال !
===============
** المختصر المفيد
1- محمد هنيدى عامل مسلسل فى رمضان اسمه ارض النفاق
2- المسلسل المأخوذ عن قصة فيلم فؤاد المهندس
3- المسلسل انتاج العدل جروب
4- تعاقدوا مع ابراهيم عيسي عشان يقوم بدور الطبيب النفسي لمحمد هنيدى فى المسلسل
5- تم الانتهاء من تصوير المسلسل بالفعل
6- منذ ايام خرجت تويته من داود الشريان ريس هية التلفزيون السعودى
وقال فيها : لامكان لدينا للمسيئين وألغينا تعاقدنا مع أحد الأعمال الدرامية عندما علمنا بتواجد شخص أساء لبلدنا فيه.
7- كثرت التساؤلات عن فحوى التويته وما هو العمل الدرامى المقصود ؟
8- ثم ... اصبحت المعلومه الان متاحه للنشر
العمل الدرامى المقصود هو ارض النفاق
والشخص المسيء للسعوديه اللى رافضين ظهوره فى تلفزيوناتهم هو ابراهيم عيسي
9- ايوه شركة العدل تعاقدت مع التلفزيون السعودى لاذاعة عدة مسلسلات
وطبعا التعاقد له عائد مادى كبير اوووووى !
10- اكتشفت السعوديه مشاركة ابراهيم عيسي فى المسلسل
ابرهيم عيسي اللى معروفه ميوله الشيعيه
الظاهره جدا فى كتاباته وحتى برامجه التلفزيونيه
وبسبب النظره الشيعيه للامور .. كان كتير بيهاجم السعوديه
11- السعوديين تمسكوا بالامر وهددوا انهم هايعرضوا المسلسل محذوف منه مشاهد ابراهيم عيسي
وكانت النتيجه .. عشان العدل جروب ماتخسرش فلوس اذاعة المسلسل فى السعوديه وعشان حذف المشاهد هايبهدل المسلسل
انهم عملوا نسخه مخصصه للسعوديه
يعنى فى نسخه هاتتذاع فيها ابراهيم عيسي دى عندنا
ونسخه هاتتذاع فيها ممثل اخر يقوم بمشاهد ابراهيم عيسي تتذاع فى السعوديه
12- بصراحه .. انا مبسوط جدا
انا من اكتر الناس اللى بتنتقد حاجات كتير فى السعوديه
سواء سياستها ضد سوريا او اشياء اخرى
بس انا حبيت فكرة حرب الفن
انك بتحارب الفكر الشيعي ومؤيديه بالفن
انك بتحاربهم بالتهميش والتجنب
انك بتحاربهم بتأديبهم ماديا !!
فكرة الحرب والقتل والخراب مش حل
انما اللى اتعمل دا هو انسب حل
دى ضربه قاضيه
مش من ناحية الفلوس
انما تخيل انت انسان بيتحكم عليك ماتظهرش على شاشة دوله معينه
دا قمة القهر و الانحناء !
13- ابراهيم عيسي بيسدد فواتير كتيرررر اوى لحاجات عملها فينا على مدار سنين
E.E
Eslam Elbahrawy
