سنصنع لهم ادوات يعتقدون انها تنجيهم ولكنها ستقتلهم ببطىء - شروق قتلت محمد بسبب الكارتون
سنصنع لهم ادوات يعتقدون انها تنجيهم ولكنها ستقتلهم ببطىء
شروق قتلت محمد بسبب الكارتون !
==========
الكرتون .. التسليه .. سيبهم قصاد التلفزيون وانشغل عنهم
اسهل حاجه اصبح كل أب و أم بيعملوها
لكنها مش صح
عارف انى كتير حذرت من افلام الكرتون بأنها بتغسل دماغ الاطفال
وفيها احيانا محتويات جنسيه وشاذه
لكن المره دى الامر مختلف
المره دى الاسره شريك
نتيجة ان مابقاش فى اب و ام بيراجعوا ولادهم
ونتيجة غياب الرقابه
ونتيجة ان الاب والام يشتغلوا ويسيبوا ولادهم لوحدهم
طفلين .. اخوات ..
تركهم اهلهم فى البيت لوحدهم ونزلوا للشغل
معتمدين على المسكن ... الكرتون
والنتيجه ان الطفلين اختلفوا على رؤية الكرتون
فطعنت البنت اخوها بمفك فى بطنه .. قتلته !
دا خبر اتنشر فى سطرين وكأنه حادث عادى
بس صدقونى دى مش حوادث عاديه
دى اجراس انذار بالخطر اللى مش واخدين بالنا منه
اهتموا بولادكم
اقعدوا مع ولادكم
ايه فكرة ان الاب والام يشتغلوا فيسيبوا اطفال فى شقه لوحدهم
فكرتونى بالاطفال اللى وجدوهم محروقين من فتره
الجريمه اللى هزت مصر كلها
والاخر الام تقولك بروح شغلى واسيبهم عند صاحبتى
وصاحبتها تسيبهم وتمشي
فالعيال تفتح الغاز ويموتوا محروقين !
اعرفوا قيمة العيل .. والا لو مش اد المسئوليه .. بلاش تخلفوهم
فى غيركم بيحلم بضافر عيل صغير
E.E
Eslam Elbahrawy
رابط المنشور على الفيس بوك اضغط هنا
