هكذا رأيت بكاء احمد حلمى على شهداء مصر - والفارق بينه وبين محمد فؤاد
واضح والله اعلم انه اسبوع البوستات اللى هافضل ابتديها بكلمة ( وجهة نظر حتى لو هاتهاجمونى ) لكن .. مابسكتش انا مابعرفش اسكت انا
قمت من النوم .. لقيت الفيس بوك كله مابيتكلمش الا عن احمد حلمى لما عيط فى برنامج المسابقات اياه .. وقعدت ادعك فى عينى واستغرب .. الناس دى عندها انفصام ولا ايه .. مش الراجل دا لسه كنا بنقول انه بيلمع المتسابقين اللى من دول معينه بناء على تعليمات البرنامج .. وبيسخر من المصريين برضو بناء على تعليمات البرنامج
وان كلنا يعلم ان البرامج دى كلها تدار سياسيا ولها اهداف معينه
بداية من طرق عرض البرنامج وتلميع ناس عن ناس
لحد اختيار المتسابق من جنسيه معينه تخدم اهداف سياسيه !
وبعدين ليه العياط والعويل .. دا يا راجل غزه اللى بتتفحت كل يوم .. يوم ما فكرت تعمل حاجه فى البرنامج عشانها قمت حضنت العيال الفلسطينيين ولبست الشال الفلسطينى ويومها كتبت انا بوست طويل عريض قولتلك فى نهايته
اتمنى فى يوم اشوفك لافف العلم المصرى على رقبتك زى ما شوفتك لابس الشال لفلسطينى ! وكان المقال تحت عنوان ( فن تسويق القضايا فى الاعلام )
.. كان اولى بيك بدل العياط .. انك تقوم تلبس علم مصر .. او تلبس افارول للجيش وتقول ان مصر هاتفضل قويه وتوجه الناس لرفع الروح المعونيه
بصراحه .. قعدت افكر اقول اكتب ايه .. طب اعلق اقول ايه
بفتح الهوم عندى لقيت الكاتبه فجر السعيد كاتبه الكلمتين دول
فقلت فى سرى .. تسلمى يا ست الكل وفرتى عليا كتير !
** ثوانى والنبى والنبى والنبـــــــــــــــــــــــــــى
ملحوظه اخيره كمان .. شوفوا فيديو بكاء احمد حلمى
اتكلم عن طيارين بتموت وهى بتتشاهد واتكلم عن شهداء الجيش .. وكل دا وفى صمت .. واول ما اتكلم عن شيماء الصباغ .. كله سقف .. دى صدفه ولا ايه؟
** بقالنا اربع سنين بنقول يا خلق هوووه اصحاو العواطف هي اللى جايباكم ورا .. العواطف هى اللى خليتكم تصدقوا اكاذيب 25 يناير بفيديوهاتها المفبركه وعصابتها الخونه .. و اذ فجأه .. نكتب بوست ضد فلان نلاقيكم فى ضهرنا .. ولكن فجأه بعدها بيومين نلاقى فلان عمل حاجه عاطفيه فتنسوا كل حاجه وتتعاطفوا معاه .. ربنا يستر البلتاجى ولا العريان مايعملوش حاجه عاطفيه تخليكم تقولوا عليهم ابناء مصر الشرفاء .. ولو انى مطمئن ان دا مش ممكن يحصل .. لانهم مش هايعرفوا يعملوا حاجه عاطفيه .. لانهم ببساطه مش هايقدروا يهربوا من حبل المشنقه E.E
Eslam Elbahrawy —
منشور by Eslam Elbahrawy.
_____________________________________________________
من يومين كتبتلكم انى مابحبش اخد كلام حد وكأنه مصدق به
فطبعا امبارح وانا واحد من اللى كانوا ضد حلمى
لكن شوفتله صوره منشوره على تويتر بتقول :
الشعب الذى يأتى برئيس ذو خلفيه عسكريه بعد ثورتين .. هو شعب من ذوى الاحتياجات الخاصه
المهم كالعاده زى ما قولتلكم انى ببحث الاول عن الحاجه قبل ما انشرها
روحت قغدت ادور و اشوف ودخلت اكونت حلمى الحقيقي
وبصراحه واحقاقا للحق لم اجد اى شىء من المكتوب فى الصوره
رغم انى هاجمت الراجل بس برضو الحق حق واحقاق الحق من اجل الله
لكن مش دى المشكله يا اخواننا يا اخواننا يا اخواننا
المشكله ان حلمى نزل تويته على الاكونت الحقيق له
بينفى انه يقول الكلام دا
لكن حلمى قال ايه فى التويته اللى بينفى فيها :
خبر كله غير صحيح .. فأنا لا اجرؤ ان اقول او افكر ان الشعب المصرى الذى انا واحد منه انه من ذوى الاحتياجات الخاصه
شكرا حلمى .. لان نفى التويته الوهميه
أكد الفكره اللى كانت موجوده فيها
التويته المضروبه مكونه من جزئين .. جزء بيتكلم عن رفضه الرئيس ذو الخلفيه العسكريه والجزء التانى بيقول ان الشعب المصرى معوق
ولما فكر ينفى فى التويته الحقيقيه
نفى فقط الجزء الثانى بتاع اعاقة الشعب المصرى
ولكنه لم ينفى او لم يتحدث عن رفضه لجملة الرئيس ذو الخلفيه العسكريه !!
طب منين بقى دخلت الجيش
وعارف معنى الرجوله فى الجيش
وكلمة خير اجناد الارض جوا معسكر التدريب عرفت قيمتها
!!
والاخر مش عاجبك رئيس ذو خلفيه عسكريه والشعب جايبه بمزاااجه !
مش هى دى برضو الديمقراطيه والحريه
احيانا نفى الشاعه
بيأكدها grin رمز تعبيري
E.E
Eslam Elbahrawy
منشور by Eslam Elbahrawy.
_________________________________
الى احمد حلمى
هو دا المطلوب يا فنان
ياللى بفنك وكلامك بتعكس حالة المجتمع وبتعطى حاله للمجتمع
المطلوب مش بكاء و نواح و عويل
احنا فى حالة حرب ومعروف ان الحرب بيكون خسائرها بالدماء مش بحاجه تانيه
ولو هانقعد نعيط يبقى نسيب البلد للى عاوزين يحتلوها ونخلص
اهل الشهيد من حقهم يبكوا لان دا دمهم ولحمهم
واحنا من حقنا نتأثر لكن من جوانا
انما لما تكون صفحة فيس بوك مؤثره
او فنان او لاعب كره مؤثر
او سياسى او اعلامى مؤثر
لازم يصدر منه طاقه ايجابيه فى اوقات الحروب اللى زى دى
والا الناس كلها هاتحبط وجنودنا يعملوا زى ( الدول التانيه ) ويسيبوا سلاحهم ويجروا !!
تحيه للكبير محمد فؤاد
هو دا المطلوب حاليا
E.E
Eslam Elbahrawy
منشور by Eslam Elbahrawy.
_____________________________________
اخر بوست بخصوص حلمى
بس والله شوفت المشهد كده
كل واحد واحساسه بقى
اكون صح .. اكون غلط
اهى وجهة نظر يا سيدى
وكل واحد حر
* وائل غنيم بعد ما بكى .. شكره اسراء واسماء
وحلمى النهارده بتشكره اسراء عبد الفتاح
كل دا عشان التسقيف لحظة ذكر اسم شيماء الصباغ
انما ذكر شهداء الجيش والشرطه ( للاسف محدش من اخراج البرنامج كان واقف عشان يشاور للجمهور ويقولهم سقفوا وقولوا ووووووووووووووواو )
عجبى
E.E
Eslam Elbahrawy
منشور by Eslam Elbahrawy.
