اعلان مجدى يعقوب - بين النقد والمدح - جمال الفكره و سوء التنفيذ والهدف النبيل
** اعلان مجدى يعقوب **
- مشكلتنا دايما فى مصر هى التعميم
مابنقدرش نعمل فلتره لكل شىء عشان نخرج بالحلو اللى فيه
- مشكلتنا اننا بنتخانق لمجرد اختلاف وجهات نظر
اللى بيحب الاعلان .. شايف اللى مش بيحب الاعلان انه اهبل
واللى مابيحبش الاعلان ..شايف اللى بيحبه انه مجنون !
- خلونا دايما نفرق بين الفكره وتنفيذها وشكلها
- من حيث الفكره
هو الاعلان الافضل فى رمضان بكل المقاييس من حيث عمل اعلان مبهج بيتكلم عن الامل فى الحياه .. مش زى باقى البرامج اللى لازم تجيب الغم عشان تحسسنا بضرورة المشاركه !
- مازلنا مع الفكره
ايوه مجدى يعقوب افضل من ناس كتير اوووووووى
كل اللى بيعمله مجدى يعقوب ملموس جدا ويشكر عليه
ماشوفناهوش من ناس تانيه زى زويل ولا ساويرس ولا ابو هشيمه !
- نيجى للتنفيذ
التنفيذ كشكل للاعلان
اخبار وفيديوهات بتنزل ان الاعلان فكرته مسروقه
وهنا وقفه ...
ان صحت الفكره والاعلان كفكره مسروق فعلا
دا شىء يضر المخرج فقـــــــــــط
لكن لا يسلب حق المشاركين فى الاعلان ولا حق مجدى يعقوب فى الاعلان
خطأ مخرج بسرقة فكره .. لا يدمر الاعلان او المنتج بالكامل !
- الجزء الاخير دا جزء خاص بيا انا
دا هاتكلم فيه بعدين
دى حاجه انا شوفتها بنظرتى ورؤيتى
تخص ديكور الاعلان والمشاهد والصور واللقطات
لكن الكلام فيها مش وقته
- لذلك ياريت نفرق
بين الهدف من الاعلان
المشاركين فى الاعلان
وبين تنفيذ الاعلان والصوره اللى خرجت منه
- كمثال مثلا
لما رمضان اللى فات واللى قبله
كنا بنشوف اعلانات مصر الخير
اللى كانت بتجيب واحده بتعمل شاى فوق الكوبرى وغلبانه
وطالع يجرى وراها الضابط وعاوز يقبض عليها وبيكسرلها العده بتاعت الشاى اللى بتسترزق منها
فاكرين وقتها قولنا ايه..؟
فكرة الاعلان اننا نساعد الغلابه اللى مالهومش مأوى او دخل ثابت
لكن تنفيذ الفكره خلى الناس تشوف الشرطه مفتريه وبتدمر اكل عيش الناس
- انا حبيت بس اكون اخر اللى يتكلموا عن الاعلان
لان زى ما قلت الاعلان من حيث الهدف عاجبنى جدا
وانا اقدر مجدي يعقوب جدا
لكن اننا نقف عند ملحوظه على تنفيذ الاعلان او المخرج او المشاهد !
دا شىء خارج عن هدف الاعلان
E.E
Eslam Elbahrawy
