بالصور - قذارة باسم يوسف والهجوم على مصر فى احد القنوات الامريكيه و اكاذيب يغسل بها عقول الشباب العربى
** وظهر الاراجوز - وكالعاده مصر فى اى جمله مفيده او غير مفيده **
فيديو كده جالى بالصدفه
لقيته للاراجوز باسم يوسف
واخيرا عرفت سبب الاختفاء
وهو تقديم برنامج جديد على قناة امريكيه اسمها Fusion TV
وبيقدم برنامج اسمه Democracy Handbook
هايبتدى من اول شهر يوليو ..الشهر الجاى
** البوست مدعوم بالصور عشان الفكره توصلكم اسرع
** الفكره ان القناه دى ليها قناه خاصه على اليوتيوب
عملت برومو ترويجي لباسم يوسف وبرنامجه
** لفت نظرى شويه حاجات
***** موجود بالصور
القناه عامله برومو للاراجوز بيعرفوا الجمهور بيه
فبيقولوا انه عارض السلطه فى مصر لحد ما تم قمعه واجباره على غلق برنامجه واجباره على الخروج خارج مصر !!!!!!!!!!!!!!!!!!
دا موجود بالصور و دا قمة التزييف وقمة التسويق ضد مصر ونظامها الحالى انه قمعى !
وبيختموا البرومو انهم بيقولوا انه بعد اجباره الخروج من بلده
الان جاء الى امريكا
لقد حان وقت الديمقراطيه الحقيقيه !!
________________________________________
( نيجي بقى لتانى برومو )
1- البرومو بيقدم الاراجوز وهو عامل انه بيقدم منتج
المنتج دا عباره عن جهاز بيتباع فى امريكا .. للامريكان اللى بيخافوا من المسلمين
وبيقدم المنتج ..ان الامريكي يخلى المسلم ينفخ فى الجهاز
والجهاز من خلال ريحة النفس بتاع المسلم بيحددلك لو كان مسلم معتدل ولا ارهابى !!
2- ان البرنامج الاراجوز بيتكلم فيه بالانجلش
لكن كمان فى ترجمه على الشاشه ..
ترجمه مكتوبه بالانجلش وبالعاميه المصريه !
3- الترجمه اللى بيكتبوها بالمصريه العاميه كلها الفاظ خارجه و سب دين و الفاظ جنسيه بشعه !!!! وهو ما ينافى ما يقال بالانجليزيه
ودا عباره عن تمويه متعمد له خطورته للسيطره علي الناس اللى بتتفرج من العرب
يعنى هو عارف ان مش كل الناس بتفهم انجلش مسموع
ولا كل العرب بيقدروا يقروا الانجلش المكتوب ويترجموه
وبالتالى لما يشوفوا البرنامج هايعتمدوا على الترجمه اللى بالعاميه المصريه
لكن فى تضليل كبير فى الفرق بين اللى بيتقال واللى بيتم ترجمته
يعنى مثلا هو بيقول بالانجلش oh my god
يكون الترجمه المكتوبه بالعاميه ( يا دين ..... ) سب دين
مثلا بيقول ان الجهاز قوته اكبر من قوة ضربات الطائرات اللى بدون طيار !
فكتب بالانجلش الترجمه وقال :
more accurate than a drone strike
ترجمه الجمله دى : أكثر دقة من هجوم طائرة بلا طيار
لكن اللى اتكتب كترجمه بالعاميه المصريه :
اكثر دقه من ضربه لطائره بدون طيار اللى الامريكان بيفشخونا بيها !
هنا قمة التضليل
وهو بيتكلم بالانجلش والامريكان بيتفرجوا عليه هايفهموا ان الجهاز اكثر دقه من ضربات الطائرات بدون طيار .. دا مايزعلش الامريكان
لكن لما يكتب الترجمه بالعربى ان الجهاز اكتر دقه من ضربات الطيارات بدون طيار اللى بتقتلنا احنا العرب .. هنا الانسان العربى وهو بيقرا الترجمه هايقولك اه ..باسم يوسف بيهاجم امريكا فى عقر دارها وعلى قناه امريكيه .. وهنا باسم يبقى بطل
فهمتوا اللعب فى الترجمه هايوصلنا لإيه ؟؟
** بخصوص التضليل كمان فى الترجمه ...
هتلاقوا صوره من ضمن الصور
هو بيقول بالانجليزي ان سعر المنتج 14 دولار
لكن الترجمه اللى نزلت بالعربى بتقول :
السعر 14 دولار وماتحولش للجنيه المصرى !!!!
برضو لازم يدخل مصر فى الموضوع عشان المشاهد المصرى يقرا الترجمه
ويعرف انه مازال بيهاجم مصر والنظام وانه بيلقح على ازمة الدولار فى مصر !!
** لا .. لســـــــــــــــــــــــــــــــه
مازال الكلب مصمم على الزج بإسم مصر
خلوا بالكم انا بأكد تانى ان الفيديوهات بترجمتها انا جايبها من القناه الرسميه
يعنى مش حد عامله على حسابه الشخصي
فى لقطه كمان من البرومو بيقول بالانجلش منتجنا له براءة اختراع اللى تقريبا محدش هايحتاجها .. لكن نزلت الترجمه بالعربى كالتالى :
جهازنا له براءة اختراع اللى محدش هايحتاجها زى جهاز الكفته بتاع عبد العاطى !!!!!!
( مرفق فى الصور )
** الغريب كمان فى الفيديو دا ..
ان هو مسمى الجهاز دا حل الجهاد Jihad Solution
يعنى الجهاز اللى هايحل مشكلة الجهاديين الارهابيين
لكن عامل لوجو الجهاز سيفين متقاطعين زى بتوع السعوديه
لكنهم مرسومين على علم يشبه علم الاتحاد الاوروبى !!
دا كان غريب بالنسبه ليا ..
لان البرنامج فى قناه امريكيه .. والبرومو عن حلقه بتناقش الخوف من المسلمين فى امريكا .. ليه بقى تعمل علامة الارهاب او الجهاد على علم يشبه الاتحاد الاوروبى !!!؟
الاراجوز بيلعب لعبة قذره كالعاده
ومازلت منتظر حلقات برنامجه دا لانى متأكد ان فيه بلاوى كتير
وللحديث بقيه
E.E
Eslam Elbahrawy
