وجدى العرب - بين احنا بتوع الاتوبيس والخيانه - ماتصدقش السيما يا استاذ
** التمثيل و الواقع الساخر - عجبت لك يا زمن !
** فى فيلم احنا بتوع الاتوبيس لما بيتقبض على الشباب اللى بينادى بالحريه
بيتجمع اتنين شباب اصحاب
الاتنين شعراء وفنانين
واحد منهم هو وجدى العربى
والتانى الفنان رشوان سعيد
فى مشهد جوا الزنزانه
كان المشهد دا بيمثل وجهتين النظر فى التغيير
رشوان سعيد شايف ان التغيير يجي بالدم
و وجدى العربى شايف ان التغيير يجي بالحب وبدون عنف
ودار الحوار التالى بينهم :
رشوان : مصر كلها محتاجه عملية تغيير و زى ما قولتلك البلد محتاجه تغيير دم
والدم مايتغيرش الا بالدم
وجدى : انا معاك ان مصر محتاجه التغيير بس ماتنساش ان فى فرق بين انك تغير وبين انك تدمر
اللى احنا محتاجينه تغيير بالحب مش بالدم
لان اللى بتقول عليه دا حتى لو كان فى مظهره قوى الا انه جبن وضعف لانه بيعتمد على التدمير والحقد و دا اللى مصر ماعادتش ترضي بيه او تستحمله
رشوان : حب؟؟ الدعوه بالحب فى الظروف دى معناها الضعف والمسكنه
وجدى : وليه ماتقولش انه قوة ايمان
رشوان : الشر مالوش الا الشر اللى زيه
-------------------
يدخل الشيخ اللى معتقل معاهم فى المشهد ويقوله :
مقاومة الشر يابنى من اسباب رضا الله
لكن الخراب والدمار مهما كانت دواااافعه فهو من اسباب رضا الشيطان
--------------------
وانا بتفرج على المشهد دا رغم انه المفروض يثير مشاعر كئيبه جوا الواحد
الا انى لقيتنى ببتسم
لان وجدى العربى اللى سنة 1979 في فيلم احنا بتوع الاتوبيس كان بيقول ان التخريب مش هايجيب تغيير وان مصر مش مستحمله التخريب تحت دعوى التغيير
هو نفسه وجدى العربى اللى بعد 34 سنه فى 2013
ساند الاخوان وساند ارهابهم وساند تمويل قطر للارهاب !!!!!!!
** التمثيل تمثيل والواقع واقع
ايوه بيقولوا السينما مراّة المجتمع بس لما تكون المرايه دى نضيفه
دايما اى فيلم متعلق بالتاريخ او السياسه بيتدخل فيه الميول السياسيه الشخصيه
و كمان ضيف عليهم السبوبه
فتلاقى واحد عامل وطنى فى فيلم .. وهو فى الواقع بيكره البلد
و واحد ضد العنف فى الفيلم .. و فى الواقع بيشجع الارهاب
انا حبيت انشر المشهد بس عشان ماتخلوش فيديو او فيلم يأثر فيكم لانكم ماتعرفوش اللى بيحرك مشاعركم دا من جواه اهوائه ايه !!
E.E
Eslam Elbahrawy
