صدفه ام تكليف وطنى - لميس و اديب وحمدى رزق والحديث عن الجيش المصرى
اصلها ماينفعش تكون صدفه
=========
امبارح قولتلكم ان بلدنا بتواجه شىء ما
ولذلك مش كل الناس عارفه اللى بيدور
وماينفعش مع شعب عاطفى زى شعبنا انك تطلع تقوله احنا داخل علينا مشكله
او عندنا ازمه
لكن تقدر توعى الشعب من خلال الاعلام
الجيش المصرى يتعرض حاليا لاقصى مراحل الهجوم عليه فى تاريخه
لانه الجيش الوحيد الباقى بقوته والحمد لله
اول امبارح
كنت باخد لفه فى قنوات التلفزيون
ولقيت ان الحديث كله منصب على هذا الامر
قوة الجيش المصرى ... قوة الشرطه المصريه
فوجدت الاعلامى حمدى رزق على قناة صدى البلد فى برنامج نظره
مستضيف ابطال من كلية الشرطه ومش مستضيف اي حد
مستضيف ناس من وحدة العمليات الخاصه
وبيعرض ازاى بيتغذوا .. ازاى بيتدربوا .. ازاى بيستخدموا الاسلحه المتطوره
وطلب من واحد منهم انه يعدد الاسلحه اللى بيستخدمها
وبالفعل .. قال اسماء اسلحه كثيره صنعت فى دول كتير
وكأنه الهدف اننا نظهر ازاى ان ولادنا اقوياء وبيتدربوا اعلى تدريب
وتحت ايدهم اعلى انواع الاسلحه
============
ثم ...
وجدت لميس الحديدي بتقضي يوم فى مدرسة الصاعقه المصريه
ونفس الشىء
بتعرض التدريبات وطرق التغذيه وحياتهم عامله ازاى
و اظهرت مدى قوة وصلابة رجال الصاعقه المصريه
===========
ثم فى الختام بليل
على قناة on tv لقيت عمرو اديب
مخصص الجزء الاول كله من الحلقه للمقارنه بين الجيش المصرى والقطرى
وعرض فيديوهات تقارن بين الاتنين
وعرض فيديوهات لابطالنا فى الصاعقه المصريه و اجسامهم وعضلاتهم
وفيديوهات اخرى مضحكه للجيش القطرى اللى واقف طابور
والطابور كله جنسيات مختلفه !!
===========
هنا ادركت ان فى شىء ما
لذلك تحرك الاعلام لاظهار قوة الجيش المصرى
والتخيل هنا ممكن يكون حاجتين
اما الاعلام اتحرك عشان يتمحك فى الشعب عشان يكسب ثقته
او انه اتحرك بناء على توجيه للتوعيه بأهمية الجيش وقدراته عشان الناس ماتتهزش
وانا شخصيا رجحت الامر الثانى والله اعلم
لكن الاكيد مهما كان الامر
اننا عندنا جيش والحمد لله قوى يقدر يدافع عن البلد فى اى وقت
E.E
Eslam Elbahrawy