مفاجأه - هل يعيد التاريخ نفسه فعلا- وهل حدثت احداث 25 يناير من قبل بنفس تفاصيلها فى عصر الفراعنه
التاريخ .. ؟ الفراعنه ..؟ احداث 25 يناير ..؟
مين اللى شغل الفيلم تانى .. اللى فاته البث المباشر .. اكيد شافه فى الاعاده
========
مم انا من المؤمنين جدا ان التاريخ عباره عن دايره
واحنا ( البشر ) بندور جوا الدايره دى
بتتعاد احداثها كل مره لكن بإختلاف عدد السنين وبإختلاف البشر الموجودين
ولكن اشعر دائما ان كل شىء يحدث... حدث من قبل
=========
قصه قصيره حلوه وومتعه ... خلينا نمشى لاخرها وياريت تركزوا
1- فى حضارة مصر القديمه كان فى ملك اسمه الملك ( بيبي الثانى- نفر كا رع )
2- اشتهر حكمه بالقوه وارسال الجيوش فى مختلف الحروب وانتصاره فى كل انواع الحروب
3- كان يرسل بعثات لحل مشاكل الجنوب الدائمه ( النوبه )
4- وجود قلاقل على الحدود الشرقية والجنوبية للبلاد كما يذكر ( ببي نخت ) الذي كلفه الملك بإحضار جثة ضابط كان مكلفا بالإشراف على بناء مركب على سواحل البحر الأحمر وتم إغتياله بواسطة العامو ( البدو فى سيناء ) !!!!!!
5- في النهايةبسبب كبر سنه غير قادر على كسب طاعة أمراء الأقاليم الأقوياء الذين زادت سلطتهم ولم يدينوا بالولاء للملك
6- المهم فى وقت ما فى حكم اخونا الملك بيبي .. قرر الناس تعمل ثوره
وكان من نتائج الثوره دى :
أ - ازداد النهب والسرقه و انتشرت الفوضي فى البلاد
ب- ظهر عدم الاستقرار وعدم الأمن فسادت الفوضى في كل مكان وأهملت القوانين وانهار الصرح الاجتماعي وطرد الموظفين من وظائفهم وزاد السلب والنهب
ج- الثورة المصرية فى عهد الملك بيبي تركت انطباعاً يمثل ثورة عارمة اختلت فيها الموازين وانقلبت الأدوار فقد نهب الفقراء الأغنياء، وأصبح السادة السابقون عبيداً لعبيدهم السابقين. وتخلى القوم عن خدمة الطقوس الجنائزية الفرعونية القديمة. فالطقوس والفراعنة والأهرام والهياكل وكل ما عرفته المملكة القديمة من الأجهزة الفرعونية ثقيلة العبء، شوهت سمعته
د- وصف المؤرخ المصري الكبير سليم حسن هذه الثورة بأنها كالثورة البلشفية تماما ـ قد حطمت وهدمت كل شيء..وانقلبت الاوضاع في المجتمع.. ولم يعد احد يضحك.. وحتى الأمهات لم يعدن ينجبن.. والمرأة التي كانت ترتدي الكتان تمشي ممزقة.. والتي كانت تملك المرايا لم تعد ترى وجهها الا على سطح الماء.. ولم يعد احد يحترم الكبير ولا العالم ولا رجل الدين ولا ابويه..
ه- اللصوص صاروا اغنياء.. ولم يعد احد منهم في حاجة الى ان يتزوج.. ففي فراشه كثيرات من بنات العائلات الغنية من اجل الطعام والشراب والمأوى.. ولا احد يخاف من رجال الأمن ولا النبلاء ولا الكهنة ولا الاسر المالكة.. كلها لم يعد لها وجود.. انها تتواري او تهرب او تلقي بنفسها في النيل..
و- وكان بالتزامن مع كل هذا البلاء نتيجة هذه الثوره .. حدث ايضا ان منسوب مياه النيل انخفض لاقل مستوياته وصارت مجاعه فى البلاد
ز- وبيقولك كمان تخيــــــــــــــل ان الملك دا مدة حكمه حسب علماء الاثار تتراوح بين 64 و 90 عام ..
يعنى بنتكلم عن واحد حكم نصف قرن او اكتر
ومع ذلك بعد الثوره دى هدموا الهرم بتاعه ومسحوا كل انجازاته من المعابد
الهرم بتاعه كان متوقع يكون اكبر من الهرم الاكبر
ومازال لغز يحير العلماء لماذا تم هدم الهرم وبناءه مره اخرى بشكل اصغر ؟
عدم وجود تمثال واحد أو أثر واحد يمثّل الملك (بيبى الثاني) في صورة مهيبة بل على العكس يوجد له تمثالان أحدهما يظهر فيه الملك (بيبى الثاني) طفلًا تحمله أمّه على فخذها والآخر يظهر فيه طفلًا عاريًا بالرغم من وجود قصص ومرويات وتصوير له يثبت كونه ملكًا يمتلك انتصارات على الليبين والنوبيين وما غير ذلك من تسجيلات له.
==========================
قرأتوا كويس ..؟ طب اللى ماقراش كويس يرجع يقرا تانى
قولتولى ايه اللى حصل فى ثورة الشعب على الملك بيبي ؟
كان حاكم بيكسب الحروب ؟
كان حاكم بيعانى من مشاكل مع اهل النوبه ؟
كان بيبعت بعثات حربيه وكان العامو ( بدو سيناء ) بيقتلوا جنوده ؟
منسوب النيل والميه بتاعت النيل قلت ؟
اللصوص ازدادوا ثراء والفقراء ازدادوا فقر؟
تخلى القوم عند خدمة الطقوس الجنائزيه ؟ يعنى بعدوا عن الدين .......؟
ظهر الفساد وعدم الاستقرار واهمال القانون وزاد السلب والنهب ؟؟؟
ماعادش فى احترام لرجال الامن ورجال الدين ...؟
المجتمع تمزق والناس بقت مكشره و الفقر حل عليهم ..؟
وبعد رحيل الحاكم .. مسحوا انجازاته وانكروها .. وهدموا الهرم بتاعه وكمان مالوش اى تماثيل كبيره تحكى بطولاته ؟
اللـــــــــــــــــــــــ
هو انا حاسس انى بتكلم عن 25 يناير بترتيب احداثها وما جاء بعدها
ولا انا بحلم ..؟ او بيتهيألى ...؟
بس لفت نظرى جدا حكاية هدم الهرم ومسح انجازات الحاكم بعد الثوره عليه
فكرونى بحذف الجزء الخاص بحرب اكتوبر من الكتب !
=============
اه صحيح .. قبل الختام
اذا كنت اعترف انى مؤمن ان التاريخ بيعيد نفسه
فوجب الاعتراف انى مؤمن ان الثورات صنعها عبيد الدجال
ووجب الاعتراف انى مؤمن ان الحرب بيننا وبين ابليس بدأت منذ خروجه من الجنه
فوجب الاعتراف انى افكر كثيرا ان الخراب فى مصر القديمه قد يكون حدث ايضا بفعل عبيد الدجال .. فكل زمان له شياطينه .. وكل زمان له اتباع يعبدون تلك الشياطين .. وتعلمنا دائما انه مهما اختلف الزمان والمكان واشكال الشيطاين .. فخطة الشيطان الكبير ابليس دائما واحده .. والسيناريو دائما واحد !!
والسلام ختام 
:)
:)
E.E
Eslam Elbahrawy