بالصور - كشف تجاهل الابراشي كل تلك الفضائح فى سيارة مندوب الرئاسه المزيف فى عزاء عمر عبد الرحمن
هام جدا .. وعاجل جدا ..
وصلوها للابراشي بسرعه وكل مشعلى الحرائق
==========
يا مثبت العقل فى الراس يارب
بإختصار لان واضح ان ماعادش حد حابب يفكر
او بمعنى اصح اللى شايف الحقيقه بيعمى عينه عشان تولع اكتر واكتر
=========
عمر عبد الرحمن
مفتى الجماعه الاسلاميه
نُسب إليه تهمة الافتاء بتحليل دم الرئيس انور السادات
وحتى ان كان تنصل من الفتوى بعد اغتيال السادات
فهو لم يتنصل ابدا من انه مفتى الجماعه الاسلاميه
اللى كانت مسئوله عن القتل والارهاب فى مصر على مدار عقود !
اتحبس فى امريكا سنين طويله
وتوفى فى امريكا من ايام ..
وتم عمل جنازه له فى مسقط رأسه فى الجماليه
ويتفاجىء الناس بحضور شخص .. داخل يقولهم ان الرئيس السيسي ارسله لتأمين دفن الجثمان وانه مندوب من رئاسة الجمهوريه !!
الصوره اللى فى البوست دى صورة العربيه اللى قيادات الجماعه الاسلاميه صورتها وقالت انها صورة عربية الرئاسه اللى احضرت المندوب !
==========
الغريب
ان وزارة الداخليه خرجت تنفى الخبر واعلنت القبض على منتحل صفة مندوب الرئاسه
خلاص كده الموضوع انتهى
الا ان الابراشي مصمم يعمل منها موضوع للنقاش وغالبا يوم السبت هايكون دا موضوع الحلقه ... وختم حلقة اليوم ان لحد الان لم ينفى احد او يؤكد ان الراجل دا مندوب الرئسه !!!!!!!!!!!!
=========
سيبك من داااا كله
انا بس عندى تعليق بسيط
مش عارف ازاى فات على مقدمى البرامج .. ومعدين البرامج
وازاى فات على الناس اللى ليها متابعه كبيره على الفيس بوك
الا وهو ..
العربيه اللى فى الصوره دى
اللى عليها بادچ او لوجو رئاسة الجمهوريه
هو محدش فكر يبص كويس وشاف الاّيه القراّنيه على ازاز العربيه؟؟
ايه يا اخواننا
طول عمرى اعرف ان عربية وكيل النيابه يتحط عليها نسر
عربية الضابط يبقى الازاز فاميه
عربية موظف مهم فى المحافظه يكون رقمها مميز وغالبا بتكون رقم او اتنين
ما علينا ان ارقام العربيه تدل انها اصلا مش بس غير تابعه للرئاسه
دا ولا تابعه لملجأ ايتام فى حى الاشجار
وكمااان العربيه اللى تابعه للرئاسه عليها اّيه قراّنيه
يعنى انا بعد كده ممكن الاقى بوكس الشرطه مكتوب عليه من ورا:
العين صابتنى ورب العرش نجانى
او ممكن الاقى عربية الترحيلات مكتوب عليها من ورا :
الحلوه تعبانه وزمان كان اسمها نانا !!
دا كل دا كوم
وعربية الرئاسه اللى مكتوب عليها اسم صاحب العربيه باين
تقريبا الرئاسه حبت تروش يعنى وتبقى رئاسه كول و كاچوال
فكتبوا اسم سواق العربيه : Eldoctor
هو سواق بس خريج طب تقريبا !!
وحتى كاتبينها غلط
لا لســـــــــــــــــه
اضرب عينك فوق عالشمال
هو دا مبدأ اتحاد مؤسسات الدوله
فى نص الازاز بادچ رئاسة الجمهوريه
وفوق عالشمال بادچ نيابه ( هيئه قضائيه )
فعلا السيسي بيوحد مؤسسات الدوله
================
ابعتوا البوست دا لكل واحد اتلعب فى دماغه
عرفوا الناس انهم لسه مغيبين وبينضحك عليهم
عرفوهم انهم اسهل حاجه عندهم هى الشير
ابعتوها للاعلاميين اللى بيتجاهلوا الحقايق عشان يولعوا الدنيا
او لو ماكانوش واخدين بالهم تبقى كارثه .. يبقوا بهايم !
E.E
Eslam Elbahrawy